Ciòpa

Da quel che me risulta, na ciòpa le solche ed esclusivamente
a ciòpa de pan.
Interessante come che metendo vizin do ciòpe de pan, vien fora qualcossa
che ghe someja vagamente a do ... ciappe ... chissà...

Me barba, me àmia

Spesso me domande da dove che deriva certe paroe, che etimologia che e pol aver ...
certo che "me barba" e "me àmia" (letteralmente Zio e Zia) no savaria proprio capir che origine che e podaria aver...

Da bocia sentive me spesso dir "vadatobarbalbino" tut de un fià : "Va da to barba Albino" ..

"Va da tò àmia a portarghe i vòvi" ...

Ecco parchè linux nol sfondarà sui desktop

Use linux da anni, me piase a fiosofia che ghe sta da drio, me piase saver
che esiste dee alternative a tut quel che ben o mal "El Sistema" el me forza a sposar.

Podaria veramente perdarghe ore e ore a scrivar nel dettaglio parchè linux, se no cambia
qualcossa, el restarà un sistema operativo de nicchia, ma voeve qua "sfogarme" na scianta vista
l'ennesima dimostrazione de quant chel risulte ostico linux. Se el vol diffondarse, el deve essar fazie, disonse a verità.

Dunque, da uno dei siti "linari" che spesso segue, ghe n'era na recension de na nova applicazion par masterizzar : Silicon Empire ( http://getsilicon.org/ )
I scrionsciòt oltretutto i è piacevoli, quindi me son dita : l'è free, dai che provon a instaearlo!
Mi use ubuntu, na version che l'ha un anno de vita (un anno, no un secol) e cioè ubuntu 10.04.

Ubuntu rilascia na nova version ogni sie mesi, mi ho deciso de no cambiar ogni sie mesi, ma de star su na versione "stabile".

Bon, daea pagina de download ghe n'è sto programma scaricabie anca par ubuntu ... version 11.04 ... cioè l'ultima.
Me son dita : beh dai, ma vutu che nol funzione su na version che l'ha un anno de vita?

A risposta l'è questa:



No me son gnanca mess a perdar temp come che spesso noaltri "linari" dovon far par far ndar e robe.
E no ho gnancà provà a instaear a version par windows, ma ho na meda certezza che el classico doppio click avanti-avanti-avanti-fine el funzia.

Eh no, asson linux sui server, ma sui desktop i tempi no i e gnancora maturi.
Anzi no, i è abbastanza marzi.

Sbrancada

... Vardà che bee sarièse, m'in ciòtu na sbrancada ?

Megavoip e Cellulari

Da ormai un anno a femèna l'ha attivà sul so cellulari na opzion par mandar sms a pochi schei.
Par contro però ogni volta che a fa na teefonada l'è un saeasso, se parla de 0,25 euro/minuto.
In confronto ae tariffe del teefono fisso l'è assurdamente alto. Che dopo no capisse tuti sti costi visto che a teefonia mobile usa l'etere,l'aria, come agente de trasmission. E no un cavo tipo el teefono fisso. Boh, no so.
Comunque me son posto l'obiettivo de sparagnar su sti costi.

Mi casa ho na adsl co un router che fa voip (Un mitico Fritz Box Fon, de qualche anno fa)
ma a soeuzion a va ben anca co cuffie e microfono da pc (che l'è scomodo, dai)

Che l'è stata a me ancora de salvezza, visto che ho catà un provider VOIP che usa el protocollo standard SIP (paroe pesanti, eh) e che ha costi verso i cellulari italiani alquanto bassi: 0,04 euro/minuto (pì un scatto aea risposta me par de 0,03). Quaità fin desse decente.
Son drio parlar de megavoip ( http://www.megavoip.com/rates#letter-I )
A roba interessante l'è che visto che in fase de registrazion i te domanda un nr. de cellulare dove inviar un codice de conferma, quando che te ciama tramite el fritz un cellulare usando appunto sto megavoip:
- El mittente no l'è un "numaro sconosciuto" ma varda caso el to cellulare
- Par ciamar, no serve anteporre 0039 (parlon de un provider straniero, quindi no l'è cusita ovvio).

Sul fritz l'è stat sufficiente dontarghe quattro dati ( http://www.megavoip.com/sip ) e gnent'altro.

Quindi se prima ciamar qualsiasi cellulare par 10 minuti me costava 2,5 Euro, adesse me a cave co 40 centesimi. Par un taccagno come mi, l'è un bon risultato ...

Ndar de Strasinòn

Dai, questa l'è fazie ...
"Ciò, dove ndavetu de strasinòn ieri che te o vist dae bande de Camaeò ?
Sempre de strasinòn te siè !
mmh, no ... "cazzeggiare" no rende esattamente l'idea ...

Pacioeòn

Sopratutto i veci, col passar dei anni, se i deve mandar dò na menèstra, i fa su un pacioeament (dove ghe vai i accenti?) che non finisse pì.
Par no parlar se i deve magnar pòn (mele) cotti! A de quei concerti !
Trattandose de qualcossa de sonòro, e no visìvo, me risulta difizie catàr qualche immagine da picàr...
Sopratutto par i pì veci, comunque, pacioeament e slambrozzament i va spesso a braccetto...