Spesso me tache al sito del giornal dei berluscones, "il giornale" tant par ledar a so version dee notizie (e i commenti ovviamente filtrai dei lettori). Me son completamente catà d'accordo co sto articol, che segnala come che ghe sia un abuso de SMS, che ormai ha sostituio in maniera fredda qualsiasi altro tipo de comunicazion pì "umano". Pedo che pedo, i sms de auguri i è standard : te scrive un testo generico, e te ghe o invia a na lista de destinatari...
Ieri matina l'ha deciso de no svejarse pì. Dopo quasi 9 anni de onorata carriera, el nostro cantante soista preferito l'ha pensà ben de ndar verso lidi migliori. No neghe che me ha despiasest parecchio, anca se vista l'età prima o dopo se dovea spetarseo. Probabilmente adesse basta osei in gabbia. Un osel no nasse par star dentro na griglia de ferro de 50x30cm. Quindi Ciuccino scusa, ma nel contempo grazie. Ciao.
L'entusiasmo de aver partecipà al No-B-Day l'è durà poc. El dì dopo lede da diverse fonti che se se ndasse doman a votar, el PDL l'avaria el 39%. Cioè de pì de quel che l'ha ciapà ae ultime elezion. Ghe n'è poc da far : el berlusca nonostante tut el continua a tegnar indormenzae e coscienze dei italioti : poc conta de tutte e so malefatte, che no stae qua a riepilogar ma che chiunque co un minimo de spirito critico i pol catarli...va ben ve dae mi na man, eccoe QUA
Ho catà comunque n'altro sondaggio relativo a na so sparada che "I giudici, e no el parlamento, detien a sovranità" che spacca i voti par classe d'età. Deghe na ociada : vien fora subito a differenza tra gioventù (18-34 anni) e "matusa" over 54. Quindi ghe n'è poc da far : son un paese de veci, e son drio assarghe el nostro futuro a lori... Vardè qua:
Mi ho na particolare predilezione par i vecet : na importante fonte de saggezza e de tradizion. Mi purtroppo ho perso tuti e 4 i me nonni e come spesso capita uno se rende conto del valore de qualcuni solche quando che nol ghe n'è pì. Mi passaria ore a farghe domande ai veci, saver come che i viveva, e me affascina sentirli parlar co quea grazia e onestà che ormai e nove generazion ha pers. Ho catà sto sito, e co sto post voeve solche segnalarlo, dove che vien messi online video de interviste a persone de na certa età (mai ciamarli "veci", i se inrabia..) relativamente a fatti de un passato gnanca tanto lontano. Eccoeo qua : www.bancadellamemoria.it
Uno che me ha fat morir dal ridar, ma che anca el me ha fat riflettar de quanta "innocenza" che ghe n'è in certe persone, l'è questo :
Sabo passà coa femèna son stat a roma. In corriera, na tirada longhetta tegnendo conto che tra ndar e tornar saron stati 15 ore. Comunque meritava de essarghe, e l'è stat bel sentirse parte de qualcossa nonostante sta manifestazion probabilmente no portarà all'obiettivo (e dimission del puttanier). Na marea de gente, difizie da quantificar, ma anca na paca de poiziotti! Dapartut. Basta vardar a foto par capir a quantità de gente e de poizia presente. No ghe n'è tant da dir, bisognava essar là e basta. Tanti italiani del centro (chiaramente i aveva manco km da far). Veneti pochissimi. Na bea esperienza, ma se i dovesse rifarla, consiglie de "spaccarla" in tre posti nord-centro-sud (milano-roma-napoi??). Par favorir chiunque, daea val d'aosta a lampedusa, de partecipar. Anca se probabilmente no l'è solche el berlusca a causa de tutti i mali de sta società, de sicuro el berlusca no l'è drio contribuir in alcun modo par migliorar e roba. Anzi. Quindi ... fora dai c ...! !
Dal primo de dicembre scumizia entrar in vigore el trattato de Lisbona. Mi ho tant sentio parlar de sto trattato ma onestamente no ho mai capio cossa chel dise. O forse i media preferisse no parlarghene. Dandoghe na ociadina su internet, ghe son restà. Signori e signore, ecco servìo un colpo de stato coi fiocchi. E nazioni e perde praticamente a so sovranità, in quanto eventuali decisioni ciapae da sto "governo centrale" europeo e sovrasta quee dee singole nazioni. Altra roba : i rappresentanti de ognuna dee 27 nazioni no i deve essar necessariamente "eletti" dal popoeo. Ancora : progressivamente, vegnarà ripristinada a pena di morte. Ma no par serial killer o stragi varie, ma solche par chi che fa "sommossa o insurrezione" ... chiaro, no ? Par approfondir, su google se cata parecchia roba, anca se ledar e 2800 pagine del trattato l'è come ledar un papiro de geroglifici. Interessanti anca e dichiarazion de giuliano amato, che all'epoca del studio de sto trattato gl'iera uno dei "architetti". Googlar par approfondir. Ho catà un video da 3 minuti che riepologa "the best of" sto trattato.
