In macchina, ovvio.
Ma parchè "ovvio" ??
No convegnaria ciapàr el treno ?
El treno, zio bonino, el mezzo pì popoeare che esiste, el dovaria essar aea portata de tutti,
el dovaria essar el pì economico.
Bae, l'è inveze ciàro par cossa che nessuni monta pì gnanca in treno.
Me son fatt do conti:
Ndar e tornar da Montebeuna a Boeogna el costa 27+27 euro, o addirittura 33+33 in certi casi.
In seconda classe, ovvio. Che discorsi.
2 ore ndar e 2 ore tornar.
Totale, se a va ben, 54 euro par cranio. Zento carte da mìe.
Fae do conti anca cossa che me costa in machina tra autostrada e benzina : 27+27 euro ! Compagno !
Sì sì ... el costo dea machina no l'è solche benzina e autostrada , e so benissimo che te ha anca el stress dea guida, dee code etc etc...
Però anca ndar in treno l'ha i so "svantaggi" : te deve rispettare l'orario sì o sì, te deve comunque ndar aea stazion (parcheggio??), no te pol certo dirghe al macchinista de fermarse parchè te vol ndar comprarte un panìn, quando che te smonta dal treno te siè a piè etc ...
E comunque, se i costi i è i stessi se a movarse in machina l'è solche na persona, el discorso el va assoeutamente pro-machina in caso de pì persone. In sto caso el treno l'è assoeutamente sconveniente.
Sel costasse manco el treno, probabilmente a gente se movaria manco in macchia.
Mi a boeogna che ndaria in treno ... ma 2 persone costaria 108 euro. In machina ghin spende a metà ...
Zio Treno !!!
