Ghe sarò anca mi !

Comprà i biglietti par mi e par a fèmena.
Na pacca de schei, ma proprio tanti. Quasi 300 euro in tut ...

Ma prima o dopo el McCartney doveve ndar sentirlo e vedarlo.
Son cresest a pan e bitols, e visto che l'omo l'ha i so anni e ho come l'impression
che qua dae nostre bande nol ghe tornarà pì, e ora ho sospeso momentaneamente
a me indoe pedocina e me son ciolt i biglietti.

E ora spetton co ansia el 26 novembre e ndon farse un giro a Boeogna ... chissà
se sarò bon de trattegnar el magòn ...

Ma son content ...

Ubuntu 11.10 ? Ma anca no

Gnent, mi reste ancora aea 10.04 , col so gnome classico e reste su un mondo dove che me cate mejo.

Sarà che a 11.10 l'è pena vegnesta fora, ma letteralmente dopo 10 minuti o stusà fora tut e o dita "basta".

Questa a me recensione:

- Instaeazion gnent da dir, veoce, intuitiva e davvero fazie anca par un novellino.

- Manca un "logo" o comunque qualcossa sul schermo durante el boot. Na schermata nera no vol dir gnent. Copiè qualche bona idea da uindos, ogni tant !

- Unity : proprio nol me va dò. Forse sarà solche question de abitudine, chissà.

- Prime roba che vui far : instaear el x11vnc par consentirme da picarme appunto via VNC da n'altro PC. Bon, par far in modo che el server X11VNC el vegne caricà all'avvio consentendome de picarme in VNC ancora prima del login, mi saveve che doveve ndar a man a modificare un per de file de configurazion, el primo dei quali l'è /etc/gdm/Init/Default . Che ovviamente no l'esiste, visto che no esiste pì gdm (gnome desktop manager).

- Me incorde che manca el famoso "synaptic". E ora lancia el novo software center, va in zerca de x11vnc e clicca su installa.

- Instaeazion de x11 vnc lentissima, anzi no a va proprio. Vae sue preferenze de sto software center par dirghe de no usar el "best server" , ma un "server in italia".

- Avanti col cristo, che a procession a se ingruma. Vorà dir che me incontentarò de tacarme in ssh.
Ghe tire un sudo apt-get install openssh-server, già fatto desine de altre volte.
No so parchè ma el me dise che no l'esiste.

- No importa, pare dò el bocon. Provon e ora a instaear el synaptic. Se da riga comando son imbranà e ora provon da GUI. Negativo : " Il pacchetto synaptic non disponibile, ma citato da un altro pacchetto". E zio ken ...

Morale dea favola : stuse tut e asse perdar.
Unity nol semplifica par gnent a vita, secondo mi par un PC "produttivo" continua a star ben a barra dee applicazion sotto.
Dopo no l'è possibie che ogni volta ghe sia cambiamenti sia a livello de configurazion sia a livello de applicazion. Ghe n'è bisogno de standardizzar, no de cambiar ogni volta.

Par mi, quindi, sta 11.10 l'ha fatt un pass in vanti e tre indrio ...

Ston vedar a prossima ...