Italia Grecia 1-1

Mah, de economia e finanza mi confesso de saver ZERO.

Son comunque preoccupà par e sorti de sto Paese.
Me ha vegnest in ment l'anno passà che son ndat in ferie in Grecia (Creta, par a precision).
Pensave de catar costi e prezzi bassi, vista a situazion. Smonte dall'aereo,
vae cior a machina a noleggio, e vae al distributor pì vizin : PETENADA galattica, 1,8 Euro/Litro.
Me son dita tra mi e mi che magari el distributor vizin l'aeroporto par defizion l'ha prezzi alti.
E inveze no ... el prezzo gliera alto (considerando i salari/tenore de vita greci). Manco de 1,7 Euro/Litro no te catava. In italia a costava circa 1,3 Euro/litro.
Gnent, adesse che anca qua a benzina costa pì del vin, me era vegnest in mente a similitudine.
E savon a Grecia che fine che l'è drio far. Uncuò a Grecia ... Doman l'Italia ?

Altra roba che voeve dir, e che ghe dise a tutti quando che se parla de crisi : ghe n'è spesso el paragone col '92. Svaeutazione dea lira, megamanovra, Amato che prevelevava el 6 per mille (de notte, come diabolik) sui conti correnti.
All'epoca aveve scumizià lavorar. Aveve 19 ani. E, no me par vero, i teefonava casa par dirte "vutu vegnar lavorar"???). Insomma, quel che adesse no ghe n'è, ma nel '92 ghe n'era gl'iera el lavoro. E par che nol voje tornar in qua.
A vedo bruttina.

Ben Vestito e dalla Carnagione Scura

Copio incollo parte dell'articolo catà al seguente link.
Preoccupante, almanco par mi, el fatto che come caratteristiche de na persona vegne sempre
pì spesso evidenzià a "carnagione". Come dir, no l'è un razza piave, magari l'è un "razza vesuvio" o "razza casablanca".
No me piase ste robe.
E no me piase sti giornaisti.
Vero, Luciano Beltramini ??

http://carta.ilgazzettino.it/MostraStoria.php?TokenStoria=2622172&Data=20120302&CodSigla=TV

FBI e Terroristi

FBI e terrorismo : 2 sinonimi. FBI = Terroristi.

E inveze cossa ghe n'eo sul sito dell'FBI sotto a voce dei terroristi pì ricercati ?
Bush ? ma no.
I Rockfeller ? figurarse.
Banchieri e petrolieri ? magari.



Eccoi qua, i terroristi pì pericoeosi ... mai sentii in vita mea.
Però i ha tutti un cognome arabo.
No mette in dubbio che i apie combinà qualche marachella magari anca pesantina,
bisognaria approfondir caso par caso. Un dubbio però el me vien ... come eo possibie
che i sia tutti de origine araba? Ma ei cusita cativi ? Bruti sti arabi, pussa via !
Arabi canaje, asèghe e vostre risorse (petrolio in primis) ai signori che move i fii dell'FBI.
Vardè che sinò ve sputtanòn sul nostro sito (oltre che a bombardarve ogni tant, che discorsi)...

Par Condicio tra Tedeschi e Marocchini

Ogni tant l'è sempre interessante butar l'ocio sui quotidiani, dove che i giornaisti
a volte , proabilmente senza voerlo, i se espone chiaramente:
Qua in veneto, checchè a gente no lo ammettarà mai, son razzisti, diffidenti e orsi fin sora l'oss sacro.
Mette a confronto do articoi : uno del 26.1.2012 che parla de gente teutonica, tedeschi, persone forti, assoeutamente da imitar e ai quali inchinarse. E sopratutto coa pel bianca. Ma bianca fiss:



Chealtro articol (ghe n'ho scelto uno a caso tra e centinaia) del 2.2.2012 inveze parla de un fatto de cronaca, uno dei tanti, che riguarda dei pori desgraziai che riva da sotto el mediterraneo, co ovviamente l'aggravante de essar scuri, parlar arabo, e de essarse fatti imbamboear da na reigion diversa dal cristianesimo. E, ahimè, rei de aver ciavà na bicicleta...


Come evidenzià, l'è ovvio che ghe n'è cittadini de serie A e de serie B.
Quei de serie A ovviamente i ha l'iniziale maiuscola.

Passe dae bande de montebeuna (co l'iniziale minuscola), davanti al municipo ghe n'è a sede dea sega nord. Co tre bandiere. E credème che gnanca una de ste tre bandiere l'è bianca-rossa-verde.
Hail !!