Scatoe Microsoft? From prison

Ieri altro me son vist un vecio documentario de Maicol Mur, "The big uan", che denuncia alcune ingiustizie che riva daea "pì granda democrazia del mondo" (paroe testuali del berlusca). Me ha sopreso, visto che lavore sull'informatica e che spesso me capita de metar e man ei prodotti de na multinazionale che ha sede nei USA, saver che l'impacchettamento e inscatoeamento dei vari softuer e cioè a classica scatoea co dentro i manuali- cd etc i vien (vegneva, parlon de fine anni '90 ) fatti da detenuti de prison. Costi? Bassi ovviamente. Diria pure ZERO. El documentario parla proprio del fatto che el governo foraggia e privilegia tranquiamente multinazionali nonostante l'etica "discutibie" de messa in atto dae stesse. Guglando se cata informazion a nastro. Poche righe a caso catae QUA : "SEATTLE, WASHINGTON, U.S.A. -- Many of Microsoft's products are packaged and shrink-wrapped by prisoners at Washington State's Twin Rivers Corrections Center (TRCC), according to Dan Pens, co-editor of Prison Legal News and a prisoner at TRCC."
Un motivo in pì par passar a tutt'altra parrocchia

Sugar Blues

Me fèmena qualche mese fa a riva casa con un libro: Sciugar blus - Lo zucchero nuoce gravemente alla salute.
Copertina che ricorda quee dee cicche, in tea stessa maniera che l'autore paragona a dipendenza dae sigarette coa dipendenza dal zucaro.
Son drio ledarlo a tòc, e già el me ha sensibiizzà abbastanza visto e considerato che mi son (ere?) davvero dipendente da zucaro. Me ricorde i tempi che magnave pan e late e scuglierae de zucaro, caramee sempre in scarsea, caffè co zucaro che podeve definir "zucaro col cafè".
Na vera e propria dipendenza.
Che ha tra e cause sto "mal da zucaro" (sciugar blues, appunto) chel te fa sempre sentir strac, stuf fin da quando che aea matina te verde l'ocio.
Oltre a na serie de controindicazioni. Tute da dimostrar, a dir el vero. Tipo quea che evitando el zucaro, a pèl a diventa pì resistente al sol, e quindi te pol star un dì intiero soto el sol de agosto senza creme o protezion varie.
Ad ogni modo che el zucaro no fae ben se o sa. In primis quel bianco raffinà, che già a vedarlo el dà un senso de finto. Ma anca quel de canna visto che el deriva anch'esso da na raffinazion. El vero zucaro che se pol definirse "integrale" el saria el succo dea canna da zucaro... El resto l'è rappresenta da lavorazion e raffinazion, quindi el concetto de "integrale" caie.
Parfin el mièl vien mess in discussion ! Aiuto !
Comunque sto libro me ha servio par coscientizzarme de na roba a cui mai ghe aveve pensà : che el zucaro fa mal. Soeuzion? Scumiziar progressiamente a farghine de manco.
Anca se ledendo i ingredienti de quasi qualsiasi prodotto che se compra, l'è incredibie come che el zucaro sia dapartut, magari sotto altri nomi tipo glucosio, saccarosio e nomi impronuciabii.
I risultati, spere de vedarli, i vedarò tra qualche tempo.
Bon, basta, adesse vae farme un caffè. Amaro ...

USA - Iraq

Sto video vegnest fora da qualche "talpa" dell'esercito american el me ha disturbà parecchio.
No critiche el modo de "esportar a democrazia" dei americani che l'è risaputo.
A guerra l'è questo e anca pedo.
A volte pense se l'unico modo che l'ha sto Pianeta par salvarse l'è quel de darghe un "repulisti" all'intera umanità...

Cossa onti votà?

No ghe interessa a nesuni cossa che vote ... comunque son ndat votar.
Ghe ho dat a preferenza al movimento a 5 stelle, me cate in sintonia su parecchi punti.
Ma prima de tutto, me gusta assai come che l'è composta a "cricca" de gente candidada sotto sto movimento, e cioè persone dòvene, incensurae. E se qualcuni sgarra, fòra.
Dopodichè sto movimento porta dee idee, no dee ideologie. E se tratta de idee che me sta a cuore anca a mi : ambiente in primis.
E cittadini in prima linea, no delegarghe sempre a qualcuni de "importante" che dall'alto decide par noaltri. E no partiti (cioè comitati d'affari al servizio de lobby de potere e del sistema bancario).
Ston vedar, anca se so che qua in veneto a gente continua a farse infenociàr dai soiti motti "roma ladrona la lega non perdona". Gente disinformada = gente ignorante.

Qualche link:
http://www.veneto5stelle.org
http://www.beppegrillo.it/iniziative/movimentocinquestelle/Programma-Movimento-5-Stelle.pdf