Tempo fa ricorde che periodicamente Grillo sputtanava el famoso oncoeogo Veronesi ciamandoeo "Cancronesi" visto che gl'iera favorevoe ai inceneritori , e l'è strano che uno che conosse el mondo dei tumori e dei cancari el sia pro-inceneritori.
Adesse pararia che i vol nominarlo presidente del na fantomatica "Agenzia per l'energia nucleare" (fonte) dopo che sto veronesi l'ha tranquiamente espresso de essar a favore del ritorno al nucleare (fonte). Strano, da na persona che "La sua attività clinica e di ricerca è stata incentrata per lunghi decenni sulla prevenzione e sulla cura del cancro."
Dopo lede anca che sempre sto veronesi sostien che (fonte) el basiico l'è cancerogeno. Nucleare e inceneritore sì, basiico no... strano ...
Ma sto qua, a 85 anni, nol podaria dedicarse a altro e magari assarghe spazio ai doveni ???
Ieri sera co dei amighi intorno a na tòea, quando che riva el momento de magnar na inguria riva fora uno che spara ste paroe:
"L'inguria l'è el frutto nazionale. L'è bianco, rosso, verde. E tutti quei semini là, numerosi scuri e rompicojoni, i rappresenta i teròni".
Me son capotà dal ridar. Chiaramente nesùni de noaltri (fòra che uno, pense) el considera a lega nord nient'altro che un movimento popuista che di fatto no fa i interessi de chi che la vota. Però a fasea da ridar ...
Allora, lede su uichipedia che: Il legittimo impedimento è l'istituto che permette all'imputato, in alcuni casi, di giustificare la propria assenza in aula. In caso di assenza ingiustificata, il processo continua e l'imputato è dichiarato in condizione di contumacia.
L'imputato l'è un anziano presidente del consiglio. Interessante el dettaglio "In caso di assenza ingiustificata, il processo continua".
Secondo mi presenziar aea FESTA de laurea dea fioea l'è na assenza ingiustificada... E manco che manco ndar (in elicottero, mia in tram..) aea presentazion de na squadra de baeòn.
Lede QUA: Milano, 20 lug. (Apcom) - Il presidente del Consiglio, Silvio Berlusconi, ha trascorso la mattinata all'Università Vita e salute dell'ospedale San Raffaele di Milano per assistere alla laurea della figlia Barbara. La figlia del premier, nata nel 1984, si è laureata in Filosofia con il voto di 110 e lode. Subito dopo Berlusconi ha raggiunto in elicottero il centro sportivo del Milan a Milanello per la presentazione della squadra.
No che bisognasse ripetar che el "legittimo impedimento" no l'è par gnent legittimo. De sicuro l'impedisse ben.
Uncuò na scianta de cultura.... Me son fat na caminada fin al Rifugio Tissi, sotto el Monte Civetta (ragassi che posti!!) e quando che ghe domande el "conto" par un caffè e un infuso, el gestore me spara "trei euro". Come?? "trei" ?? Ere restà al "doi" (2) dae bande dea bassa beunese ... Al che ovviamente a curiosità a se ha impossessà de mi. Doveve saver tuti i numeri fin al diese!
Ciapa qua:
Uno Doi Trei Cater Zinq (Z coa lengua tra i dent) Sies Set Ot Nuof Dies
El me sa tant de francese ... Anzi, el sa de Ladino ...
A Milano per 300 posti di apprendista panettiere (stipendio 1.800 euro al mese netti) si sono presentati zero italiani. Sarà per questo che in Italia nel corso del 2009 sono aumentati gli occupati stranieri (+147mila lavoratori) a fronte di una riduzione degli italiani (-526mila unità), secondo una ricerca della fondazione Leone Moressa. Nel Veneto, si tratta di -56mila occupati italiani contro i +9mila stranieri.
L'Italia l'è na repubblica fondada sul lavoro, dise el primo articol dea costituzion. Pecà che i italiani (perlomeno e nove leve) no i sie tant d'accordo. E parlon de far el panettier, no el murer o el minatore. Parlon de sporcarse e man de farina, no de malta o de solventi chimici. E parlon anca de 1800 euro/mese, e no de nosèe (come se scrive noccioline???). Ho un cattivo presentimento, voeòn tuti far i impiegatini che no se sporca e man, ma no pol na economia essar basada al 100% da gente che vol essar sentada su na carega a batar tasti su un pc. E dopo se lamenton che i stranieri vien qua a ciavar e lavoro a noaltri autoctoni. No saria mejo dir che i vien qua a far i lavori che inveze no voeon pì far noaltri (da decenni). Disonse a verità, tuti voria far pì schei posibie fasendo poca fadiga. Ma no a podarà ndar vanti cusita.
Ah, par a cronaca anca mi son un impiegatin che sta ore su ore a farse el cul quadrato sora na carega... Desse scuseme che me fae un caffè e un cruassàn, ovviamente fat co farine dea bielorussia e manodopera de qualche marocchin...
Pur no avendo a tivision, ogni tant fae el pirata e me scariche dall'internet qualcossa dai soiti circuiti pir-tu-pir. Documentari o roba dove comunque a quaità audio-video no l'è da cinema : del resto na roba l'è vedarse un film sul schermett de un portatie, n'altra roba l'è vardarseo su un bel plasma 50 pollici ... Diseve...me son scaricà na specie de "the best of 90° Minuto". Adesse no ho a tivision, ma quando che ere bocia sì, probabilmente a quaità a era superiore (a quantità de programmi ovviamente no). Ricorde sto 90° Minuto e a vose de Paolo Valenti l'anticamera ... dea camera, nel senso che intanto che mandave dò na menestra o na insaeata coi capuzz ghe n'era de sottofondo a tivision coi gol e coe varie vosi de gente che a risentirle/rivedarle me vien i sgrisoeon : Giannini da Firenza, Gianni Vasino da Milano, Luigi Necco da Avellino, Bubba (??) da Genova, e avanti...
No vui far sempre quel che se lamenta e che cata sempre e robe negative dee robe del dì de uncuò. Però vedendo certi servizi (el programma l'è scumizià verso a metà anni '70) me son reso conto de quante robe che i è cambiae in pochi decenni. Cambiae ovviamente in pedo. Alcune robe che me ha restà impresso: - Quando che no rivava .. e videocassette daea città (el digitale ancora no esistea) i faseva vedar i goi co un schizzetto su na lavagnetta. - Nee zone dea porta, i meteva a segadura. Adesse chi la vede pì ? - A volte no ghe n'era servizi video par "sciopero dei cameramen"... - Pubblicità durante e interviste inesistenti, manco che manco sponsor. - Sui stadi, parecchia pubblicità made-in-italy de Martini e Cinzano. No multinazionai. - Diogatori senza l'aria da VIP attuale. - El calcio gl'iera veramente na roba popoeare, sopratutto maschile (no veline..) - Prima e dopo e partie (e ovviamente durante l'intervallo) i raccattapalle i diogava sul stadio... che fine hai fatt adesse ?? - etc etc etc
Consiglie a chiunque de darghe na ociada. Su iutub ghe n'è spezzoni de90° minuto, ocio però che podaria vegnar fora l'effetto lagrimetta ...
Tempo fa ricorde che periodicamente Grillo sputtanava el famoso oncoeogo Veronesi ciamandoeo "Cancronesi" visto che gl'iera favorevoe ai inceneritori , e l'è strano che uno che conosse el mondo dei tumori e dei cancari el sia pro-inceneritori.
