Scie comiche

Linche un video catà su iutub.
No serve essar un ignegner aeronautico par capir che sto aereo qua l'è drio springar qualcossa de artificiale.
Sta storia qua a continua a disturbarme. E parecchio.

Superenalotto e Sicilia

A volte ciaciarando co conoscenti vien fora roba interessante ...
Ieri sera, parlando del superenalotto, ciamada anca "tassa sui sogni", un amigo me dise che a metà dei introiti i ghe va direttamente ae casse del stato, destinazion Roma. El resto el va a alimentar a "tecia de jack", cioè el jackpot.
Inveze ghe n'è na region che incassa direttamente el 12 e passa % dei incassi, che quindi no va a roma ma i resta casa. Che region mai podarisea essar? A Sicilia ...
A pensar mal se fà pecà ma spesso se a pensa giusta. A mi na scianta de "pensar mal" in effetti el me vien.
Ho catà riscontro de sta notizia anca su internet, ergo dubito sia na baea...

FONTE

Elltube - Scaricar i video da youtube

Girovagando in rete ho catà un programmin che podaria tornar utie.
El serve par scaricar sul pc i video de youtube, che in teoria se pol solche vardar online, ma manca a possibiità de far el classico "download" par memorizzar i video sul proprio pc.

Su Linux a onor del vero l'è possibie farlo visto che na volta finio de caricar el video, sua directory /tmp ghe sarà un file chel scumizia co Flash (es FlashQQaUki) che l'è varda caso el video appena caricà. Quindi basta copiarseo su na directory e bingo, problema risolto.
Ad esempio:
ls -l
-rw------- 1 utente gruppo 9215145 2009-08-21 22:52 /tmp/FlashQQaUki

Esiste comunque un programma (open source, che va sia su linux che su uindos) che dandoghe in pasto el link de youtube el scarica direttamente el video su na directory a scelta, addirittura coa possibiità de convertirlo in .avi, .mp4 etc . Oltre a farte vedar un scrinsciot del video par essar sicuri de no sbagliar.
Son drio parlar de ELLTUBE : http://sourceforge.net/projects/elltube/
Ghe n'è direttamente el .deb par ubuntu quindi instaearlo l'è fazie fazie.
Na voltà instaeà, vien creada na voce de menù sotto "applicazioni/internet":

Ecco come chel se presenta lanciandoeo, e incoeando un link de youtube:
vien presentà un scrinsciot del video, el relativo testo, e varie opzioni tra cui a destinazion dove salvar el video, e in che formato.
Cliccando su "download" el parte a scaricar.



Un trucchetto che ho scoperto : sui video recenti, youtube consente anca a visuaizzazion in HD (alta definizion) cliccando sul boton soto el video.
Par far in modo de scaricar da elltube el video in alta definizion, basta dontarghe aea fine dell'URL i caratteri &FMT=18
quindi ad esempio el video http://www.youtube.com/watch?v=yS2Lks75NKs
par vedarlo in HD el diventa http://www.youtube.com/watch?v=yS2Lks75NKs&FMT=18

Auto Blu, ma quante !

L'anno passà gl'iera saltà fora el scandaeo de quante auto blu circoeava in italia : oltre 600.000.
Quindi sicuramente se qualcuni el vol abbattere qualche costo inutie dea casta de poitici e tuti i vassalli al seguito, no ghe voeva tant. Del resto 600.000 e passa machine su na popoeazion de 60milioni de persone vol dir che in italia ghe n'è oltre na auto blu ogni 100 abitanti.
Nei USA (da cui purtroppo qua se continua a copiar solche e robe negative) ghe n'era 72.000 auto blu. A popoeazion USA l'è de oltre 300milioni de persone. Na auto blu oni 4200 persone in tei USA.
Altro che abbattar i costi, sto anno e auto blu è i è addirittura aumentae ! Esattamente da da 607.918 a 624.330 unità.
Pì o manco, tra autisti manutenzioni benzina bollo assicurazion etc... sta roba a costa sui 20 miliardi de euro all'anno ! Altro che finanziarie e tagli aea scuoea o aea ricerca !
Fonte dea notizia QUA
oppure QUESTA , che copie/incolle


Roma
Aumentano ancora le auto blu in Italia: hanno raggiunto il tetto record di 624.330 unità. È quanto emerge dallo studio condotto da Contribuenti.it , che ha analizzato il parco delle auto blu utilizzate in qualunque modo dalla pubblica amministrazione. In soli sei mesi, in Italia, il parco delle auto blu in dotazione della pubblica amministrazione è cresciuto del 2,7%passando da 607.918 a 624.330 unità. Dopo la legge del 1991 che limitava l'uso esclusivo delle auto blu ai soli ministri, sottosegretari e ad alcuni direttori generali, si sono sempre proposte regolamentazioni e tagli, mai effettuati. Nella classifica dei paesi che utilizzano le «auto blu» primeggia l'Italia con 624.330 seguita dagli Usa con 72.000, Francia con 63.000, Regno Unito con 56.000, Germania con 55.000, Turchia con 51.000, Spagna con 42.000, Giappone, con 30.000, Grecia con 30.000 e Portogallo con 22.000.

Diaetto a scuoea

a me opinion ? Assoeutamente contrario.
El diaetto se l'impara e se o "pratica" casa, al bar, al campett coi amighi.
Come tutte e robe che se insegna a scuoea a vien imposta, bisogna "studiar" el diaetto.
Insensato.
El diaetto se o parla casa, se l'impara semplicemente scoltandoeo da mare e pare.
Mi a scuoea ho studià e imparà robe che me son desmentegà dopo na settimana : se te impara qualcossa ma no te o pratica, e ora no serve a gnent.
El diaetto come qualsiasi altra roba "popoeare" no a deve essar insegnada in modo didattico. Saria come insegnarghe a un ceo par esempio come sistemar na carega rotta: assoeutamente inutie se a rimane na spiegazion fine a sè stessa se dopo el ceo nol se mette ogni tant a riparar qualche carega rotta. Dopo un poc, a no far e robe, se se desmentega.
Mi ho "studià" francese ae medie. Mai pì parlà. Me ricorde sì e no qualche paroea e qualche frase.
Saria a stessa roba par el diaetto.

Altro esempio: lavore su na azienda certificada ISO, e par aver l'ISO bisogna tra e varie robe che ghe sia un gruppo de persone che ogni anno vien addestrae par l'antincendio, o par el pronto soccorso. Bon, mi son uno de quei che na volta all'anno vien un paramedico a aggiornarme sul cossa far nel caso del primo intervento, compresa a respirazion bocca a bocca, laccio emostatico etc. Gnent da dir. Pecà che se dovesse capitarme de soccorrar qualcuni ciapà mal sicuramente nol trovarà in mi a persona giusta par iutarlo. Anzi, risciaria de far pedo.

E dopo...che diaetto dovarisii insegnar ? Quel dei nobii veneziani o quel dei montanari da beùn ?
Come che no ghe fosse rogne ben pì importanti da sistemar, altro che diaetti ... Ma savon come che la è ... ma no vui parlar mal de "poitici" .. Asson perdar ...

Intanto, par i nostalgici del diaetto....ciapè qua:

Una montagna di balle

Segnale un documentario/film realizzà da parte de pochi video-amatori
che i fa vedar e capir parecchie robe legae al mondo dee scoazze campane (e non)
che i dà na version diversa da quea che "Grazie a me Napoli ora non ha più monnezza per le strade".
Vien evidenzià anca come a gente del posto l'è ben consapevoe de cossa che vol dir aver inceneritori vizin casa e e co che conseguenze. Chiaramente senza essar scoltada.
Ghe n'è chi veramente no ghe frega far schei a milioni sua pel dea gente.
E sì che no ghe vol tant : bastaria scumiziar a far a differenziata. Ma come sempre, sotto ghe
n'è massa interessi. E i schei no i varda in faccia a nesuni.

El documentario l'è anca su iutube. Qua a prima parte, drioman basta seezionar chealtre.

Berlusca vist dai svedesi

Ecco un spot dea TV de stato svedese che a ciapa come esempio negativo da NO seguir el "nostro" berlusca. Fazie cusita... l'è come che uno che l'ha rubà na gaina el voesse paragonarse a un serial killer ...

Uova Biologiche, ma gnanca tant

Visto che son forte del sostenitore del motto "Te siè quel che te magna", ghe tegne aea quaità dee robe che bute dentro. E se da un lato son sparagnin su tante robe, quando che se tratta del metar man al tacuin par cior roba da magnar/bevar e ora no bade tant a spese : vae in negozi "bio", acquiste da gruppi de acquisto solidale, lede i ingredienti sue confezion, e ovviamente quel che posse me o fae (anzi, a femena lo fa par mi) o el piante.

Purtroppo però adesse no se pol gnanca fidarse de qualcossa marchià come "bio".
Par esempio i ovi. Sui ovi da supermercato, a prima cifra del codice a barre identifica a tipologia de allevamento cui a gaina l'è stata soggetta e cioè O> biologico, 1> all'aperto, 2> a terra, 3> in gabbia.
I mei i ha un punèr co qualche gaina, e spesso me rifornisse direttamente da lori.
In inverno quando che e gaine e i è pigre, e ora vae anca mi ciorle in negozio, fasendo appunto attenzion de no vedar el "3" (= gaine in gabbia) sull'etichetta.
Ma, appunto, diseve che no se pol fidarse. Adesse el marchio "Bio" el va forte, e oltretutto el costa de pì (par ovvi motivi). Ghe n'è chi che ghin approfitta de questo: i spaccia par "bio" un prodotto che in realtà de bio l'ha poc. L'è successo de recente a mestre, dove che i Nas i ha sequestrà 3000 ovi marchiai come "bio" da na azienda agricoea de pordenon, che fornisse de ovi parecchi supermercati del triveneto. I responsabii de sta truffa i ha dichiarà de averlo fatt par vegnarghe fora dae spese visto che a so dir "no i rivava a fine mese". Secondo mi, visto che voer far sempre pì schei l'è sport parecchio pratica, a verità l'è che sti signori i voeva massimizzar i profitti. Ipotesi confermada anca dai investigatori.
Se sta notizia fosse falsa (dubito) no ste ciaparvea co mi, l'ho letta QUA !

Codex Alimentarius ... occhio ...

L'ha un nome in latino chel par quel che te lede sue enciclopedie dee piante.
In realtà son drio parlar de na commission intergovernativa (quindi al de sora dee varie sovranità nazionai) che l'ha el compito de dettar na serie de regoe e normative in campo alimentare.

Cossa chel dovaria far sto codex l'è riassunto benon da un passo de wikipedia:

Ai lavori della Commissione partecipano esperti di diverse discipline scientifiche dell’alimentazione, tra cui autorità di controllo del cibo, esperti scientifici e tecnici alimentari, rappresentanti di associazioni dei consumatori, dei produttori, dell’industria e del commercio. Tutti contribuiscono alla stesura delle regole del Codex, che poi possono servire da base per le normative nazionali.

È la Commissione del Codex Alimentarius che approva, ad esempio, i canoni che stabiliscono quando un pesce può portare l’etichetta “sardina”, o quanto burro di cacao deve essere presente nel cioccolato perché sia “vero” cioccolato, o ancora quanta buccia può essere tollerata in una scatola di “pomodori pelati interi”.

Dal 31.12.2009 qualsiasi roba dita da sta commission diventa legge, nel senso che diventarà operativi i standard alimentari del 97% dea popoeazion del mondo (160 paesi ... ) decisi dal codex.

Copie incolle da sto articol QUA :

La Commessione di Commercio Codex Alimentarius (che nel 1994 dichiarò le tossine come nutrienti) è attualmente finanziata e condotta dall'OMS (che appartiene all'ONU) e dalla FAO.

Un insieme di standard internazionali aventi come scopo la protezione della "salute" dei consumatori, attraverso pratiche nel commercio per: preparati alimentari, semipreparati, crudi, l'igiene degli alimenti, gli additivi, i pesticidi, i fattori di contaminazione, l'etichettatura, i metodi di analisi. Lo scopo recondito è di mettere fuori legge ogni metodo alternativo nel campo della salute, come le terapie naturiste, l'uso di integratori alimentari, di vitamine e di tutto ciò che potrebbe essere un potenziale concorrente per l'industria chimico-farmaceutica.

La lobby della chimica farmaceutica è nata da un'associazione condotta da Rockfeller e dall'IGFarben della Germania nazista. L'IGFarben fin dal 1932 fornì ad Hitler un finanziamento di 400.000 marchi senza il quale il secondo conflitto mondiale non avrebbe potuto avere luogo e nel 1941 costruì ad Auschwitz la più grande industria chimica del mondo approfittando della mano d'opera dei campi di concentramento. Nel processo di Noriberga i responsabili della IGFarben furono dichiarati colpevoli di genocidio, di schiavitù ed altri crimini. Però un anno dopo la condanna, nel 1952, tutti i responsabili furono liberati con l'aiuto di Nelsen Rockfeller (che a quei tempi era ministro degli affari esteri in USA) e s'infiltrarono nell'economia tedesca.

Ho scumizià a vardar, ma deve finir, sto documentarietto dove che parla gente coi controcojoni che va aea radice dee robe. L'è sottotitoeà in italiano, quindi gnente scuse.
L'argomento scotta : par che i sia drio portar vanti un sterminio lento ma inesorabie. Sfoltir el pì posibie a popoeazion. Farme ammalare uncuò par morir tra qualche decennio.
Dura l'è da credar, ma ahimè purtroppo l'è a verità.
Aea base de tut ghe n'è, varda caso, el profitto.
Darghe na ociada a sto filmato bisogna.
Ecco a prima parte, chealtre 4 se ghe riva aea fine dea 1.