Cocaina e Red Bull !

Me son sempre domandà cossa che i mete sue varie bevande tipo gatorade o red bull par
improvvisamente far mettar el turbo ai vari sportivi. Tuti, nesuni escluso, ogni tant te i
vede ingurgitar ste robe. Tennis, ciclismo, baeon.

Adesse salta fora na meda risposta. In Germania i ha catà tracce de coca sua red bull.
Giustamente i crucchi, quadrati ma severi quando serve, i afferma che:

"La bevanda non può essere classificata come un prodotto alimentare, ma come uno stupefacente e ha bisogno di una licenza speciale, hanno detto le autorità".

Interessante come ste multinazionali i fa un poc quel che ghe par.
Se i cata un porocan fumarse un spinel e ora i e cazzi amari par lù.
Nessun problema inveze mettar cocaina sue bibite.
Ovviamente, essendo na multinazionale, ston tranquii che no ghe sarà massa notizie sue prime pagine dei media e che i governi comunque no metarà baston tra e rode, visto e considerato che anca lori fa parte dell'ingranaggio.

E intanto asson pure che i continue a "coeonizzar" a Colombia (l'è NOTIZIA recente che i USA i e drio instaear basi miitari e spedir zenteneri de miitari in nome dea "lotta ai narcos").

Altro che "Red Bull Cola".
Mejo che i ghe cambie nome : "Red Bull COCA"

QUA na fonte dea notizia.

Sotto censura anca el carneval

Passo dopo passo, toc dopo toc, lorsignori i è drio mettar in piè un
regime. Mejo star all'occhio.
No se pol gnanca pì mettar in piazza carri a carneval : el paese nol deve
vedar na immagine ironica del "paron" e dei so scagnozzi.
Ciapeve sto video che ho catà, el val pì de tante ciacoe.
Auguri a tuti. Ma par de bon.

Internet libera ...

Nonostante a rappresente na forma de comunicazion favoeosa, internet a continua a essar vista pì come un fastidio che opportunità, dai nostri "paroni".
In diversi casi i ha tentà (co D'Alia e a Carlucci... ma zioken a Carlucci !!) , e tutt'ora i e drio provarghe col decreto legge Pecorella de imbavagliar internet. L'obiettivo no l'è quel de "censurar" tipo cina, bensì de colpir i blogger e chiunque informa notizie che in qualche modo dà notizie scomode al regime.
Un porocan de blogger ovviamente se el dovesse ricevar querele o intimidazioni vari, nol pol aver schei o fior fiore de avvocati chel posse difendarlo. Fatta eccezion par pochi, Grillo par esempio.
Semplicemente i fà sarar el blog, o vien creae e condizion par farlo. Intimidendo el resto. Colpirne uno per educarne cento.
Internet no l'è proprio gnanca cusità a bon marcà : Dal 56k (che comunque richiede na linea e quindi el pizzo aea telecom), a na adsl, a na connession col cellulare, e tariffe no par comunque tendar al ribasso. Aumenta a banda massima (no reale) in download, ma i prezzi resta quei. Inveze de far adsl ad esempio da 256k a metà prezzo, i preferisse mantegnar el prezzo e far adsl da 7mb. Par a logica del profitto, che move ovviamente anca e società de telecomunicazioni, chiaramente convien. Col nulla osta anca dal garante dee teecomunicazion.
In altre parti de sto mondo, inveze e robe no va proprio cusita:
Su sto articol QUA par esempio nei USA l'organo che se occupa dee teecomunicazion a propone (copie/incolle):

Internet deve essere libera, neutrale e accessibile in qualsiasi forma si voglia. Vale a dire che i provider non dovranno più prevedere filtri, rallentamenti e lucchetti alle loro reti per bloccare applicativi "sgraditi", come per esempio il P2p e le telefonoate Voip

Quando che lede certe robe me rende conto de quant che veramente, su certe robe, son indrio e ligai ai cosiddetti Poteri Forti che decide par noaltri.
Dai USA copion sempre e pedo robe...posibie che par na volta no copion quee bone ?

Acqua azzurra, Acqua CARA

Sto post qua l'è un sfogo par denunciar come che un tochetin aea volta i sia drio far diventar un bene assolutamente primario par a sussistenza de qualsiasi essere presente su sta terra, da un fil de erba a un elefante. L'acqua.
L'anno passà
Al comma 1 del DL Tremonti n° 112, art. n° 23bis, del 5 Agosto scorso, risulta che "la gestione dei servizi idrici deve essere sottomessa alle regole dell’economia capitalistica."

Savon benissimo quant che a costa l'acqua in bottiglia al supermercato.
O, pedo ancora, al bar o in pizzeria.

L'acqua dei nostri rubinetti, nessuni lo dise, la è pì che potabie.
Addirittura da qualche anno i è aumentae e norme e controlli par far sì che l'acqua de rubinett a sia davvero "potabie" : http://www.mednat.org/alimentazione/norme_acqua.htm

Domanda : Cossa costa "produrre" l'acqua del rubinetto ?
Risposta: Un metro cubo (1000 litri) de acqua costa mediamente 52 centesimi de euro.
Dal sito http://www.protezionecivile.it/cms/view.php?dir_pk=50&cms_pk=533&n_page=3 :
"La tariffa media per il Servizio Acqua Potabile è pari circa a 0,52 Euro per metro cubo, a fronte di una media europea che si attesta attorno a circa 1 Euro per metro cubo, evidenziando una oscillazione che va dai 0,11 Euro di Milano ai 0,91 Euro di Forlì, fortemente diversificata su base geografica e spesso priva di fondamenti tecnico-economici."

Cossa costeo al supermercato 1000 litri de acqua ?
Dipende daea marca e dal supermercato. Fason i ottimisti : 10 centesimi al litro.
Quindi 1000 litri = 1000 * 0,10 = 100 Euro (ottimisticamente...)

Conclusione: 1000 litri de acqua rubinett el costa mediamente 52 centesimi. 1000 litri de acqua de supermercato costa OTTIMISTICAMENTE 100 euro. El 500% in pì ...
No ston parlar dopo dee butigliete da medo litro che te ciol par strada.
Un bel business, gnent da dir ...

Una dei introiti pubblicitari maggiori che va in TV varda caso i è proprio e varie uliveto, levissima , rocchetta , panna etc etc.... ma vardà ti, che coincidenza ...
Gran parte dee quali i è nomi che se sconde drio e soite multinazionali. A nestlè, par esempio.
Chiaramente visto che son un popoeo de teledipendenti, oltre che de gran consumadori de acqua, na spinta pubblicitaria cusita costante e pesante a me fa inconsciamente pensar che "l'acqua che i pubblicizza in TV la è a mejo".

Un ultimo pensiero, parecchio pessimista ma in linea coi tempi correnti : se un bel dì a gente se svejasse fora e a capisse a truffa che ghe n'è, no saria da escludar che qualcuni el butasse qualche goccia de veleno in qualche acquedotto. E magari podaria scamparghe el mort. Andando (col megafono dei media de regime) a pubblicar qualche anaisi chimica taroccada, screditando cusità a bontà dell'acqua de rubinet. Spere che sia solche na me temporanea forma de delirio. Ma de sti tempi... in nome dei schei no ghe n'è pì da sorprendarse.
Del resto anca dopo a seconda guerra mondiale, i ebrei i voeva "vendicarse" e i era proprio drio far na roba del genere (co l'arsenico, se no ricorde mal) ...

Nokia PC Suite par Linux : NOKINUX

Son stati na settimana in Puglia.
Ragassi che maraveja, no ere mai stat pì in bas de Roma e confesse son restà positivamente sorpreso un poc fa tut : dai posti, dae persone, dal magnar.

Purtroppo ho rott a machineta fotografica digitale.
Ma a femena l'aveva na arma segreta : un nokia 5200, coa posibiità de far foto !
Mi son completamente ignorante in materia, ma so che esiste un software "Nokia PC Suite" ovviamente solche par windows che serve par gestir el teefonin da PC e quindi scaricar foto etc.

No usando windows, ho dovest ndar in zerca de un programma equivalente par linux.
AGGIORNAMENTO : El sito uffciale ( NOKINUX ) no l'esiste pì, el progetto quindi l'è abbandonà. Pecà...Se pol comunque continuar a scaricarlo (mejo a version stabie, 0.0.8.2) a sto link : https://launchpad.net/nokinux/+download

L'è un progetto open surs ancora in fase de sviuppo, comunque ghe n'è na version stabie che a me a consentio de "montar" el nokia e vedarghe el contenuto.

Par instaearlo:
No esiste un .deb, quindi scaricar da QUA a version STABILE (che no la è a prima dea lista..), e scompattar par esempio in tel desktop.
A sto punto, da terminale:
- cd /home/nomeutente/Scrivania/Nokinux-0.0.8.x
- sudo chmod +x setup.sh
- ./setup.sh
- Seguri a classica procedura de instaeazion (a dovarà scaricarse dee dipendenze, quindi serve essar picai in internet)

Aea fine, sotto "Applicazioni/Accessori" ghe n'è l'icona de nokinux : provar a lanciarla.

Coegar el cellulare sull'usb, e quindi cliccar su "Monta cellulare"
Vien usà un file manager che no l'è el nautilus, ma el PCMan. Chel dovaria far vedar el contenuto, sia dea memoria interna che esterna.


No l'ho provà, ma seezionando "Configura connessione a banda larga" se pol usar el teefono come modem internet.

Un bug : par copiar/incoear e foto su na me directory, ho dovest ndar a manina da terminale tramite "sudo cp .... ".

Consiglio de provarlo.

7 domande par el berlusca

Recentemente el quotidiano Repubblica l'ha posto e famose "10 domande" al berlusca, detto anca burlasconi, che chiaramente nol risponde. Par lu, "domandare è lecito, rispondere è impossibile".
DOMANDE
Ma ste domande qua, par quant fastidiose che e posse essar fastidiose, e i è monotematiche e riguarda e so possibii storiee e faccende coa 18enne tosa napoetana noemi.

Vere domande che inveze un vero giornaista dovaria farghe al berlusca i è ben altre, che no riguarda tanto i so vizietti e spizze e pruriti, ma pitost presunti legami poc netti co mafie, piduisti, storie de schei che no se sa ben da dove che i rive etc.
Sul sito dea micromega, QUA, ho catà 7 domande ben pì importanti de quee de frequentar zoccolette o zoccolotte.
Ghe saria tant da domandarghe al sultano, ma tant "the answer is blowing in the wind"...

Copie/Incolle:

Signor Berlusconi, potrebbe rispondere pubblicamente a queste domande?

Premessa
La Banca Rasini di Milano, di proprietà negli anni ’70 di Carlo Rasini, è stata indicata da Sindona e in molti documenti ufficiali di magistrati che hanno indagato sulla mafia, come la principale banca utilizzata dalla mafia per il riciclo del denaro sporco nel Nord - Italia.
Di questa Banca sono stati clienti Pippo Calò, Totò Riina e Bernardo Provenzano, negli anni in cui formavano la cupola della mafia.
In quegli stessi anni il Sig. Luigi Berlusconi lavorava presso la Banca, prima come impiegato, poi come Procuratore con diritto di firma e infine come Direttore.


1) Nel 1970, il procuratore della banca Luigi Berlusconi ratifica un'operazione molto particolare: la banca Rasini acquisisce una quota della Brittener Anstalt, una società di Nassau legata alla Cisalpina Overseas Nassau Bank, nel cui consiglio d'amministrazione figurano Roberto Calvi, Licio Gelli, Michele Sindona e monsignor Paul Marcinkus. Questo Luigi Berlusconi, procuratore con diritto di firma della banca Rasini, era suo padre?

2) Sempre intorno agli anni ’70 il Sig. Silvio Berlusconi ha registrato presso la banca Rasini ventitré holding come “negozi di parrucchiere ed estetista”, è lei questo Signor Silvio Berlusconi?

3) Lei ha registrato presso la banca Rasini, ventitré “Holding Italiane” che hanno detenuto per molto tempo il capitale della Fininvest, ed altre 15 Holding, incaricate di operazioni su mercati esteri. Le ventitré holding di parrucchiere, che non furono trovate ad una prima indagine della guardia di finanza, e le ventitré Holding italiane, sono la stessa cosa?

4) Nel 1979 il finanziere Massimo Maria Berruti che dirigeva e poi archiviò l’indagine della Guardia di Finanza sulle ventitré holding della Banca Rasini, si dimise dalla Guardia di Finanza. Questo signor Massimo Maria Berruti è lo stesso che fu assunto dalla Fininvest subito dopo le dimissioni dalla Guardia di Finanza, fu poi condannato per corruzione, eletto in seguito parlamentare nelle file di Forza Italia, e incaricato dei rapporti delle quattro società Fininvest con l’avvocato londinese David Mills, appena condannato in Italia su segnalazione della magistratura inglese?

5) Nel 1973 il tutore dell’allora minorenne ereditiera Anna Maria Casati Stampa si occupò della vendita al Sig. Silvio Berlusconi della tenuta della famiglia Casati ad Arcore. La tenuta dei Casati consisteva in una tenuta di un milione di metri quadrati, un edificio settecentesco con annesso parco, villa San Martino, di circa 3’500 metri quadri, 147 stanze, una pinacoteca con opere del Quattrocento e Cinquecento, una biblioteca con circa 3000 volumi antichi, un parco immenso, scuderie e piscine. Un valore inestimabile che fu venduto per la cifra di 500 milioni di lire (250'000 euro) in titoli azionari di società all'epoca non quotate in borsa, che furono da lei riacquistati pochi anni dopo per 250 milioni.(125'000 euro). Il tutore della Casati Stampa era un avvocato di nome Cesare Previti. Questo avvocato è lo stesso che poi è diventato suo avvocato della Fininvest, senatore di Forza Italia, Ministro della Difesa, condannato per corruzione ai giudici, interdetto dai diritti civili e dai pubblici uffici, e che lei continua a frequentare?

6) A Milano, in via Sant’Orsola 3, nacque nel 1978 una società denominata Par.Ma.Fid. La Par.Ma.Fid. è la medesima società fiduciaria che ha gestito tutti i beni di Antonio Virgilio, finanziere di Cosa Nostra e riciclatore di capitali per conto dei clan di Giuseppe e Alfredo Bono, Salvatore Enea, Gaetano Fidanzati, Gaetano Carollo, Carmelo Gaeta e altri boss – di area corleonese e non – operanti a Milano nel traffico di stupefacenti a livello mondiale e nei sequestri di persona.
Signor Berlusconi, importanti quote di diverse delle suddette ventitré Holding verranno da lei intestate proprio alla Par. Ma.Fid. Per conto di chi la Par.Ma.Fid. ha gestito questa grande fetta del Gruppo Fininvest e perché lei decise di affidare proprio a questa società una parte così notevole dei suoi beni?

7) Signor Berlusconi da dove sono venuti gli immensi capitali che hanno dato inizio, all’età di ventisette anni, alla sua scalata al mondo finanziario italiano?

Vede, Signor Berlusconi, tutti gli eventuali reati cui si riferiscono le domande di cui sopra sono oramai prescritti. Ma il problema è che i favori ricevuti dalla mafia non cadono mai in prescrizione, i cittadini italiani, europei, i primi ministri dei paesi con cui lei vuole incontrarsi, hanno il diritto di sapere se lei sia ricattabile o se sia una persona libera.

P.S. Dato che lei è già stato condannato in via definitiva per dichiarazioni false rese ad un giudice in un tribunale, dovrebbe farci la cortesia di fornire anche le prove di quello che dice, le sole risposte non essendo ovviamente sufficienti.

El fiol de bossi : che figlio de papà!

Bossi l'è un grande.
L'è stat bon de mettar so fiol, un genio segà 3 volte aea maturità, sentà su qualche caregheta d'oro. Da 12000 euro al mese. Gnanca mal, sopratutto de sti tempi che migliaia de persone i se cata senza lavoro.
Ma forse son mi drio pensar mal, forse sto renzo bossi l'è stat incaricà de far qualcossa de veramente deicato, importante e de responsabiità. Lede dal blog de Travaglio, che provocatoriamente l'ha lancià anca lù e "10 domande a Bossi" : suo figlio Renzo è stato nominato membro di un osservatorio dell’Expo di Milano. Attraverso quali canali di reclutamento e in ossequio a quali criteri suo figlio ha ottenuto tale nomina da 12mila euro al mese?
Cossa faeo esattamente un "membro de un osservatorio dell'expo de milano" ?
"Roma ladrona" eh ... ma se sà... tale padre, tale figlio...
Se sa che l'umbertone padano no l'è proprio un esempio de coerenza: l'ha sposà na siciliana, el sostien el governo tirà vanti da un corruttor che lù stesso definiva "mafioso" e che adesse l'è un gran amicone. Dopo lede anca che chealtro fiol avest da chealtra femena el "corre par a sicilia" e che forse nol votarà par a lega ...

Spunto de riflessione

Girovagando in internet ho catà, anzi l'ha catada a femena, sta foto qua.
Che a val pì de 1000 paroe.
E che pone na domanda : ma sto "progresso" aeo veramente cambià e robe in mejo par tutti ?

Made in Cina, Made in Prison

Pena che ho lett sta notizia QUA son restà sorpreso. Ma pensandoghe ben, gnanca pì de tant.

A Cina...na nazion piena de contraddizion. El paese "comunista" par eccellenza, ma in realtà co na fame de capitaismo e de schei impressionante. Del resto i e drio cavalcar dee decadi floridissime dal punto de vista del PIL. Asson comunque perdar a quaità de vita. Da no invidiar affatto.

Generalmente quando che ndon comprar na roba a basso prezzo tipicamente "made in china", da na majetta de coton (ogm) al diogattol dea "giochi preziosi" o un per de ociai firmai da 3 euro don par scontà de saver come mai e costa cusita poc : lavoratori cinesi pagai poc, che i lavora 20 ore al dì inveze de 8, mancanza de tutela/sicurezza nel lavoro che quindi sbassa ulteriormente el costo dea manodopera etc.
Tutto vero.
Ma l'è drio vegnar fora anca n'altra storia terrificante : ulteriore manodopara a basso costo ... anzi GRATIS a riva dae preson. Prigioni. Carcere.
Dentro ste preson "particoeari", se pol essar rinchusi par 3 anni senza nessun tipo de processo, a poizia decide. Par esempio, parlar de democrazia l'è scomodo in cina (ma anca italia ultimamente...). E perseguibie. E quindi, dopo qualche torturetta e manganeada, i "dissidenti" entra in ste "strutture riabilitative". Ciamonle pure campi de concentramento. Centinaia in tutta a cina. Dove che i lavora dì e nott (fin 18 ore) par produrre majette/diogatoi/bigiotteria varia da vendar all'export. A gratis. Par evadar ordini da aziende de import-export che trafega co "l'occidente".

El pedo però l'e questo : parecchi de sti detenuti i vien condannai a morte (in cina a pena di morte a vien applicata spesso co na leggerezza impressionante). Na volta copài, vien immediatamente espiantai i organi (un rene el val fin 30.000 euro...) e quindi l'è spontaneo pensar che sto porocan el vien copà parchè alimentar el mercato del traffico dei organi.
El governo el se sconde drio na legge che "autorizza qualsiasi espianto da qualsiasi condannato a morte". In cina, ho savest, el corpo l'è considerà sacro (no esiste crematura par esempio).
Ancora: el soldà che copa el condannato cui vegnarà espiantà i organi, riceve 40 dollari (na bea cifra, in cina).
Ancora: i parenti del prigioniero copà i deve rimborsarghe al governo el prezzo dea paeottoea usada par coparlo.

Terribie...

Ve consiglie de ledar tut l'articol QUA

Ocio a ste 2 foto qua ... par na esecuzion uno spara e dò tien fermi el prigioniero. In tea prima foto i è drio addestrarse, in tea seconda ... inveze no


























Dulcis in fundo, no c'entra tant co l'argomento ma no importa : na foto del daily mirror. Ecco come che el regime fa star sull'attenti i miitari...

Ministro dea saeute Sacconi e Moglie

Leggerissimo conflitto de interessi.
Sacconi ministro dea saeute. So femena, tale Sig.ra Enrica Giorgetti l'è aea direzion de farmindustria.
Farmindustria? Invertendo l'ordine dei fattori, el prodotto no cambia. FarmIndustria = IndustriaFarmaceutica.
Dal sito se lede chiaramente che, come tutte e "industrie" , l'unico obiettivo l'è quel de far profitto : Il fatturato complessivo supera i 22 miliardi di euro, con una quota di esportazioni (in crescita del 200% dal 1996 ad oggi) che costituisce il 53% delle vendite totali.

Ho come l'impression che se Sacconi dise "vaccino obbligatorio a tutti", indirettamente so femena a ghin guadagna.

Difatti recentemente el nostro caro ministro l'ha deciso che dal 2010 vegnarà vaccinai 15 milioni e passa dei italioti dai 2 ai 27 anni de età. Par un totale de 48 milioni di vaccini contr l'H1N1. Chi paga? El stato (cioè i contribuenti). Chi ciapa i schei ? I "produttori" del vaccino... E de sicuro l'azienda dea moglie del ministro Sacconi ringrazia...

Parecionse quindi all'ennesimo attacco mediatico mirà a convinciarme tuti quanti de quant che sto vaccino l'è indispensabie, e de quant l'influenza porzea a sia terribie e mortale. Nonostante i numeri i dise el contrario. Ma se sà, tut quel che dise TG e giornai de regime i è legge.

Grande Sacconi, quindi. El to paron, el Berlusca, par quant riguarda conflitto de interessi l'ha fat scuoea.

QUA na fonte dea notizia.

El proibizionismo del kebab

Quando che sente certe notizie no se se metarme a ridar o a porconar.
Poitici, sindaci e assessori i dovaria lavorar par el cittadino, studiando e fasendo robe al nostro servizio.
Ecco inveze che vien fora sto mito, el sindaco de Cittadella, tale Massimo Bitonci. Leghista duro e puro, pararia.
Addirittura co un'ordinanza, na specie de "editto" dei tempi nostri, el proibisse a vendita del kebab dentro e mura : FONTE
Parchè? Riporte e so testuai paroe : "... nulla hanno a che vedere con la cultura e la tradizione della nostra terra, come certi prodotti etnici o certi alimenti, come il kebab, che mal si inseriscono nel contesto storico, tradizionale e territoriale nel quale viviamo".
Anca mi saria uno che ghe tien al mantenimento dee tradizion, dee proprie radici. Ma no se pol mantegnerle in te sta maniera qua: dovaria essar qualcossa che se porton dentro noaltri, tramite continuità culturale/linguistica/artigianale che passa da pare/fiol e mare/fioea. No l'è certo fasendo sparir i kebab che i "cittadelliani" (se dise cusita?) i dovaria sentirse pì "veneti". L'è un poc come proibir ai bar de sonar rock in inglese, roba "etnica" parchè qua se dovaria solche scoltar Vivaldi.

Ma caro sindaco, a sto punto par essar coerente col to pensiero no te dovaria anca:
- Bandir a poenta...altro che tradizion veneta... a poenta l'è fatta coe panoce, daea pianta del mais, che no l'è certo nativa dee nostre pianure. A riva dall' america...
- Stesso discorso par pumidori&co : ieri me son fat na insaeata pumidori e pevaron. Roba che riva da oltreoceano. Che poc spirito veneto che ho ....
- A tradizion veneta no vol majette o scarpe fatte in cina o roba griffada. Bisognaria ndar tutti vestii co strazze e ai piè usar zopèi o gaeozze...
- Bisognaria trar dò meda Venezia, visto che la ha abbastanza copià
(e robà) dall'architettura bizantina (cioè turca, come el kebab). Basta vedar a basiica de s.marco tant cara ai leghisti e ai "serenissimi"... E ovviamente parchè consentir de costruir appartamenti visto che a tradizion veneta la e fatta de cason grandi ?
- El SUV fae parte dea tradizion come bici e careta ?

Se podaria ndar vanti par ore ...

Caro sindaco, capisse che te vol accaparrarte e simpatie dei to concittadini e so che l'è nel pì tipico stile leghista quel de aver sempre qualche "diverso" co cui ciaparsea.
Del resto el mejo modo par farse dei amighi l'è "aver un nemico in comune", giusto?
Comunque a nu el kebab el me piase, anche se ho qualche dubbio sua genuinità e provenienza dea carne ...

A proposito ... in germania i ha ordinà a chiusura dee pizzerie. A motivazion, strana, l'è che rappresenta "cibo etnico". Se podarà solche consumar wrustel , crauti e patate....

Mnistro Israeliano in carcere par corruzione

Notizia ovviamente scomoda da dar. I media convenzionali sicuramente i preferisse no parlar de certe question visto che podaria infastidir el "paron".
Israele: do ministri (un terzo l'è sotto processo) i finisse in prison par corruzion.
Qua in italia sona strano che un corruttore finisse in prison. Sopratutto se poitico, sopratutto se el primo ministro.
Altrove inveze chi fa el furbo el paga. "Paga" no in senso letterale ... qua sicuramente el condannato "pagaria" qualcuni visto che praticamente tuti quanti i e "comprabili".

Ovviamente son drio far riferimento aea faccenda dell'avvocato Mills, condannà par corruzion. L'è stat corrotto. Se ghe n'è un corrotto e ora ghe n'è anca un corruttore. Che saria el berlusca, varda caso. Che però no l'è processabie par via del lodo alfano, votà in tempi record praticamente all'unanimità.
Altrove inveze i finisse in gaera. Ma no in prigioni-hotel , ma in celle condivise co altri detenuti "normali" : assassini, ladri, etc.
Se el berlusca el vol riformar a giustizia...e ora chel se mette e manette ai polsi.

Fonte dea notizia : QUA