Purtroppo i nostri paroni i è drio continuar el so progetto
par lentamente portar a gestion dell'acqua verso el privato, ciavandogheo
dae man del pubblico.
Sperando de no rivar ai casini successi a Cochabamba in Bolivia, dee persone
i è drio organizzar a roma el 18 de novembre na specie de sit-in de protesta.
Difatti proprio el 18 i paroni i riprende l'iter par mandar vandi el decreto legge
canaja che vol privatizzar l'acqua. A piova.
Ho comunque a sensazion che sto decreto passarà. De sti tempi a maggioranza
l'è stra-unita e l'opposizion no esiste.
Parfin l'acqua ... no dai... l'acqua almanco asèmea !
No ghe n'è limite al pedo.
Anzi come che disea Einstein: "«Due cose sono infinite: l'universo e la stupidità umana".
Iscriviti a:
Commenti sul post (Atom)
Nessun commento:
Posta un commento
Se vè qualcossa da dir ... prego ...