Dì dei morti, dì dee piegore

Ieri 1.11.2009 son ndati farse na girada, e nonostante a sia na prassi, me ha sorpreso vedar zimiteri pieni, co relativo parcheggio che pareva quel fora da un stadio. Chiaramente gente vestia da festa a rendar onore ai so morti.
Gnent da dir sul fatto che bisogna ndar catar i propri cari in zimitero, quel che proprio no capisse l'è parchè bisogna par forza ndarghe el primo novembre, "dì dei morti".
No vui far quel che sa tut o l'arrogante o l'anti-sistema ... ma se me ferme un minuto e me fae na domanda : "parchè el 1 novembre tuti va in zimitero, e chealtri 364 dì dell'anno i ghe ndarà sì e no do volte??".
Un poc come a messa ne nadal o de pasqua. Ciese piene. Piene de gente che in cesa no ghe va mai. I me risponde "par tradizion". Ma na volta se ndava messa ALMANCO ogni domenega. Nadal compreso.
Mi ieri no son stat in zimitero e personalmente ghe vae veramente raramente. Ma el dì che ghe ndarò deve proprio essar el 1 novembre? Ghe sarà qualche sconto dal fioraio?
No me despiasaria vedar un mondo co gente manco standardizzada, gente co na propria testa, e no piegore che se move tutte in gregge.
Adesse a standardizzazion prevede anca a festa de allouin, n'altra stupidada che avon importà dall'america. Ma na volta el primo novembre no la era a festa de tuti i santi-ognissanti? No dei morti. Eh già. "Par tradizion".
Boh...sentive el bisogno de sfogarme...