Come che me ha fat effetto vedar certi quadri de parecchi secoi fa, che par dee vere e proprie fotografie dell'epoca. Me piase i quadri che ritrae paesaggi e posti, magari veri, e me sorprende come certi posti o monumenti i sia i stessi. Piazza san marco par esempio. A basiica l'è sempre compagna!
Ho anca constatà però un certo degrado dea città. Mur imbrattai de scritte (alcune simpatiche, gnent da dir) che dimostra el poc rispetto dee nove leve par a cultura (scarabociar un mur de un paeazzo del '500 denota parecchio degrado morale e culturale). Del resto l'epoca che son drio vivar, dove a cultura l'è dettada dae tv commerciali, no pol portar a mejo.
Venezia a se ha vendest ai schei. Venezia l'è continuamente in vendita, paeazzo dopo paeazzo, e te vede sempre pì investitori stranieri. O siorati de tute e sort. Ledeve che a Venezia ghe n'è manco de 60.000 veneziani. Picco negativo. Considerando che la era una dee città pì popoeose dell'europa.
Dopo ho vist sta roba qua:
No me scampava da pisar, ma giure che pitost a faseve su un canal, visto che erba da concimar a venezia no ghe n'è.
Ma servizi igienici pubblici ei sparii ?
Ai turisti bisogna spremarghe anca...e baeote adesse ?
1 euro e medo (3000 lire) par 30 secondi de pisada ? O par cambiarghe i pampers al ceo ? Solche parchè son a venezia ??
Paradossalmente costaria manco ndar su un bar, cior un caffè e ndar al cesso del bar. A venezia i te fa pagar tut quant el doppio. Posibie che no ghe sia el bon senso de fornir certi servizi basilari senza farli pagar? O magari far na offerta libera, oppure manco pesante ? Capisse tut, ma no guadagnarghe anca dai cessi ! Ovviamente dae 9 ae 19 ... orario ufficio.
Pora italia, pora venezia. Che degrado.
Nessun commento:
Posta un commento
Se vè qualcossa da dir ... prego ...