Gruppi de Acquisto Solidale

Voeve spendar qualche riga solche par riportar a me esperienza riguardo l' "affiliazion" a un gruppo de acquisto solidale, G.A.S , che el me ha arricchio sia dal punto de vista etico che dal punto de vista puramente alimentare.

Cossa ei sti gruppi de acquisto solidale ? Fazie : anaisi logica del testo : persone che compra prodotti (sopratutto alimentari, ma anca detersivi, calzature) in modo solidale. Solidale rispetto a chi? Rispetto a chi vende, in quanto el prezzo l'è giusto, e no deciso daea grande distribuzion o da multinazionali. Solidale rispetto a noaltri stessi, in quanto a quaità dei prodotti (rigorosamente biologici) l'è tut n'altro mondo in confronto a quei che caton sui scaffai dei supermercati. E se privilegia el mercato locale, co tutti i vantaggi (ambientali e socio-economici) del caso.

Ciò che dovaria pèndar na persona a entrar in un GAS no dovaria gnanca essar el concetto de comprar par "pagar manco", bensì na serie de concetti etici che gira intorno a sto argomento. No ghe n'è assoeutamente connotati poitici a sta roba nonostante sia fazie boearla come "comunista", anca se par ovvi motivi e tendenze e sia pì de sinistra vista a sensibiità su certe tematiche, quali el rispetto par l'ambiente, o a passion par catarse insieme, o repulsione par na globaizzazion economica massiccia etc.
Consiglie a chiunque de avvicinarse a un GAS, no serve fornir nessuna carta de identità ... Ad oggi in Italia ghe n'è 620 gruppi quindi a pochi KM da casa de ognuno certamente ghe n'è un GAS a cui rivolgerse : http://www.retegas.org/index.php?module=pagesetter&tid=3

E credeme che, na volta che se se abitua aea quaità de certi prodotti, no se va pì al supermercato ...