Me riprende dopo qualche mese de letargo visto che no me pareva el caso de continuar a farme mal sempre e solche ndando a informarme su tute ste brute robe che scriveve qua. E visto che quando che se scrive qualcossa, el rimane ancora de pì impresso in testa e ora i casi i è dò : ledar manco roba che fa imbestiar (tipo el fatto quotidiano, a cui oltretutto son abbonà) e no riportar qua tali brutture. Provarò a dedicarme a butar dò qualche riga pì ottimistica anca se no se pol negar che ultimamente navigon in tanti in tea m...a.
Detto questo, segnale che l'è ripresa l'attività migratoria dei rospi/rane, assoeutamente necessari par a salvaguardia de un ecosistema bilanciato.
Chiunque apie voja de passar qualche ora serale al servizio dea natura, questo l'è el periodo giusto. Condizioni ideali : piova e temperatura no fredda.
Par dettagli e contatti sul come e dove ve rimande al sito:
http://www.lacveneto.it/Site/Rospi/prgrospi.html
anca se tut quel che serve l'è : na mastea, un pèr de stivài, un pèr de guanti, na pila (coe batterie cariche..) e el giubbottino rifrangente che tuti avon in machina.
Basta caminar drio e strade, ciapar rospi/rane, metarli sua mastea e portarli vizin el Piave (nel caso del montel, o i Laghi nea zona de Revine). Par i neofiti, ghe n'è sempre comunque chi che podarà darve consigli.
Na bea frase catada proprio sul sito segnaeà:
Ci mobilitiamo per salvare dall'estinzione le balene ed i panda e non ci accorgiamo delle specie animali che si estinguono in casa nostra
Nessun commento:
Posta un commento
Se vè qualcossa da dir ... prego ...