Piantar alberi da frutto

L'anno passà me ere cimentà a piantar 3 alberi da frutto. Già incalmai ovviamente.
Ston anno ho voest far el bis, quindi che ho domandà a me pare qualche metro quadrato de tera par piantar qualcossa altro.
Sto giro me son porta casa un perer, un pomer, un persegher e un ... cacher. Me piase i cachi, già.
E anca se no son un perfezionista ho voest documentarme na scianta par far e robe mejo. Visto che purtroppo adesse a sapienza no a vien pì tramandada da pare a fiol, e ora bisogna domandarghe aiuto al consuente de fiducia: nel me caso gugol...
Eco quel che ho fat:

• Un solco da 15 metri (co trator e vassor) el pì fondo possibie.
• E piante e deve essar distanziae 3-4 metri tra de lore.
• Far un bùs el pì fondo possibie,almanco 50 cm, e larc almanco 70x70 cm. Lavorando co pìc, badil, forca e pal de fero, me stufave suìto e quindi no ho rispettà esattamente ste misure. Pecà. Son proprio na meda sega.
• Metar a pianta sul bùs, e piantarghè tacà un pal de legno de qualche metro cusita a pianta no a cresse storta. Come par i pumidori, insomma.
• Metarghe qualche forcada de ledàn e na mastea de acqua sue radìz dea pianta.
  
• Cuerdar el bus coa terra.
  

A sto punto, ston vedar cossa che succede
Se son pomi, pomeranno.
Se son pèr, periranno.
Se son pesche, pescheranno.
Se son cachi ...

Metarò dee foto