Morti de fan

Voeve solchè butar dò qualche riga parchè ieri altro me ha colpio na notizia
che par quant "ovvia" che a sia, no l'è mai abbastanza ovvia.
De soito l'è "normale" associar l'Africa ai morti de fan.
Beh ... 25.000 e passa morti de fan ogni dì. Quasi come i abitanti de montebeuna. Ogni dì.
Par fan... no par fret o par guerre (quel l'è n'altro discorso).
25.000. Zio ken ...

Dopo lede che noaltri del mondo "occidentaizzà" inveze dedicon ae spese alimentari
dal 12 al 15% dea nostra busta paga. El restante 85-88% el va a in vaccae o a ingrassar
e banche.

Ghe n'è ovviamente qualcossa che no va ben... Da na parte gente che MORE DA FAN, da chealtra gente che l'ultimo dei so pensieri l'è el magnar ...
Ma a noaltri me fa comodo cusita, anca se no avon l'onestà par ammetterlo.

Mi no dovaria permettarme de criticar sta situazion in quanto anca mi fae parte de sto mondo consumista e purtroppo me rende cont de aver metboizzà anca certe negatività de questo, par quant che cerche de essar solidale e eticamente corretto. Ma no sempre ghe riesse.