DropBox

Ho catà un prodottin veramente interessante, che consente de mettar i propri dati (documenti, immagini, etc) su internet, e consentir a sincronizzazion tra diversi PC.

Esempio pratico ... mi use de soito un portatie co Ubuntu : el portatie el se rompe. Cossa fai coi me dati?
Dovaria utiizzar dei strumenti de recupero dati (sempre che el disco el sia integro), mettarli su qualche supporto esterno (disco/penna USB, etc) e portarli su n'altro PC. Se inveze el disco fisso l'è ndat in mona e son senza backup e ora ... auguri.

A soeuzion a ste problematiche proposta da dropbox l'è che i dati oltre che risiedar fisicamente sul pc, i vien replicai/sincronizzai anca su un server fornio dal servizio dropbox.
In pratica : se instaea dropbox, multipiattaforma e quindi sia par linux che mac che windows.

Se effettua a soita registrazion tramite email, e se se logga su dropbox.

Da sto momento, qualsiasi roba messa su /home/utente/dropbox a vien automaticamente replicada in internet da qualche banda sui so server (ok, a livello privacy ghe saria qualcossa da ridir, visto anca che no l'è un prodotto open surs ma proprietario..) e ovviamente bisogna essar picai internet.
A settimana dopo ndon catar un parent in Australia. Sto parent l'ha un pc (co windows, par esempio) e na connession in internet. Avon bisogno farghe vedar qualche foto, o dovon vedar un documento? Nema problema : se instaea dropbox par uindos, se se logga co l'utente/password precedentemente creai, dropbox el mettarà in c:\blabla\dropbox tuti i me documenti/foto etc e el diogo l'è fatto. Qualsiasi modifica fatta in Australia, se a cataron anca na volta che tornon casa.
Se no voeon ogni volta star là a scaricarse el client dropbox, ghe n'è comunque un client web che comunque permette de far e robe essenziali. No se pol via web ovviamente editar un documento e salvarlo via web.
Semplicemente se o scarica e se se o varda.
Se pol comunque far l'upload de file, via web.

Un tour veoce dee funzion che se capisse anca senza audio l'è qua:
http://www.getdropbox.com/screencast

El servizio l'offre 2GB de spazio gratuitamente, par chi che vol de pì e ora ghe n'è qualcossa
da pagar.

Mi l'use e nonostante no ho chissacchè de documenti, el repute utie e quindi me a sente de consigliarlo.
Nota negativa ? No se sa chi che mette el nas sui me documenti, el pol essar benissimo na specie de "grande occhio". Ma par documenti no proprio riservati o importanti, el problema no sussiste.

Qua na guida co scrinsciot:
http://www.oneopensource.it/26/06/2009/guida-allinstallazione-di-dropbox-in-screenshot/