Testa da casso

Pazzesco come aea casta dei nostri paroni che ha a caregheta a roma ghe infastidisse quando che i giornaisti fa domande de quee giuste.
Ormai i giornaisti (poc cambia dei giornai o dea tv) i se limita ae soite domande che prevede e soite risposte. Impossibie sentir un giornaista che fa domande "scomode".
Anca parchè savon benissimo che i giornaisti i ciapa a busta paga sopratutto grazie ai contributi che el stato el ghe dà ai giornai. Na volta bastava a pubblicità a far vivar i giornai, adesse no.
Quindi ai giornai/giornaisti che convien no ndar tant a infastidir chi che, aea fine, el ghe da el stipendio. L'è come che mi ndasse a infastidir el me paron co argomenti a lù scomodi : no avaria vita fazie.
Recentemente un giornaista de bloomberg (na tivision che se occupa de economia/finanza) , l'american Steve Scherer el ghe ha rivolto qualche domanda a Tremonti. In modo educato e tranquillo. Ma l'è ndat toccar un argomento particoeare, e cioè a crisi ... E aea fine a Tremonti che a sbrissà un "testa da casso" rivolto a sto giornaista.
Gnent de novo, purtoppo, ma l'è mai bel vedar conferme de quanta melma che me "comanda"...