Finalmente na "bea" notizia !!Co sta economia che va sempre pì a picco, a nostra amata italia la ha dei mercati floridi e in controtendenza rispetto aea situazion attuale, cioè co fatturati in crescita e ranking internazionale che me vede ai primi posti. Anzi, al SECONDO posto ! Superando a russia, wow!
Asonghe a medaja de oro ai nostri paroni de oltreoceano, del resto come eo che te pol competar co un paese che vende pistoe e fusii dal panettier.
Ovviamente son drio parlar dea produzione/vendita de armi.
I acquirenti principali i è i sceicchi de emirati arabi e arabia saudita. Che co ogni probabiità li rivende ai vicini mediorentali (par difendarse dai americani...). Interessante come che i arabi i apie investi 6.5 miliardi par a difesa aeronautica. De cossa ai paura ? Che qualcuni ghe ciave el petrolio?
Quindi, corajo, se qualcuni el perde lavoro el pol bussar ae porte dea Beretta, che a vol manodopera...
Triste vedar che (ma a seconda guerra mondiale lo insegna) che a guerra sia na tragedia par a maggior parte, ma che comunque a "smove" l'economia.
Fonte:
http://ilsecoloxix.ilsole24ore.com/p/italia/2009/09/12/AMqQU4uC-italia_seconda_vendita.shtml
Nessun commento:
Posta un commento
Se vè qualcossa da dir ... prego ...