Mapuche, esempio de discriminazion

I Mapuche i è na etnia nativa del sud america, che dopo l'arrivo dei conquistadores
spagnoi i se ha vist espropriar terra, cultura e dignità.
Par parecchie culture native, el concetto de proprietà privata no l'esiste, a Pacha-Mama (madre terra) l'è sacra. L'è un tutt'uno coi omini. Se pol quindi
ben capir cossa che vol dir vedarse giorno dopo giorno vedarse ristretti i propri spazi
in quanto appunto privati, appartenenti a qualcun'altro. Quasi sempre, par no dir sempre,
americani del nord, o europei. I soiti coeonizzatori, insomma.
Adesse sti Mapuche i deve anca subir l'umiliazion dea discriminazion etnico/sociale, visto che adesse i rappresenta na minoranza.
Gnent de novo, purtroppo. Dapartut esiste sto tipo de realtà.
Me ha colpìo vedar sto video fatt in Cile, dove che un cileno l'ha dimostrà a differenza de trattamento riservada da parte dei carabinieri (che dovaria essar al servizio del cittadino in teoria) : sto cileno prima el se vestisse da turista yankee, co machina fotogafica e camisetta tipo beach boys. In dò posti : fora daea Moneda (el paezzo de governo, tristemente famoso par i bombardamenti del Pinochet del '73) e par e strade del cuore economico de Santiago. Na specie de wall street cilena.
Nei panni de turista yankee, nessun problema. Anzi el parla tranquio coi carabinieri, e el pol star quarti d'ora tranquio a far foto.
Dopo el se cambia, metendose el tipico poncho. E a situazion cambia de brutto.
Ecco el video, anca par chi che no capisse el spagnolo penso no ghe sia problemi.