Vivendo in un territorio dove che a lega regna incontrastada, a chiunque qua ghe a rivà el voeantin pubblicitario, o santin, o propaganda de sto fulvio pettenà chel corre par e prossime elezion in supporto de zaia, el promoter dei panin de na multinazionale americana del fast fud.
Quel che me ha fat sciopar dal ridar l'è stata a frase "Lavoro per dare da mangiare alla mia famiglia". E pensar che par scrivar ste robe quasi certamente vien anca ingaggiai pubblicitari, psicologi e esperti de marketing (markettari?) che quindi i studia e frasi pì ad effetto. E a mi certamente me ha fat un certo effetto ledar frasi che ormai no se sente pì gnanca dai operai co prole numerosa : "Lavore par darghe da magnar aea fameja."
Grande.
Che l'intendesse forse dir chel deve passarghe i alimenti?
O magari che votandoeo e ora dovon essar noaltri darghe da magnar ?
E sel vien votà e el ciapa a caregheta, me daraeo da magnar anca a noaltri o sempre e solche aea so cricca ?
Proprio un slogan che punta "aea panza" dea gente.
Pena che posse mete qua el "santin"...
