Caca Cola

Na notizia bea e una brutta.
Co quaea scumizioni prima ? Co quea brutta, che discorsi.
E ora, visto che come che già avee scrit Venezia l'è na città morta, senza anima, e concepia solche come na slot machine dove che a gente a deve solche butarghe dentro schei, e tanti, el so gran sindaco cacciari asserendo che "La crisi c’è, dobbiamo arrangiarci e saperci vendere" e oral'ha fatt un patto col diavol , che sto colpo l'è na multinazionae americana che vende veen (veleno) coeor m.... (maron) su lattine rosse (o pedo ancora dentro a plastica). In pratica, co un accordo da 2 milioni e passa de euro ciapai daea caca-cola (schei no destinai a attività alcuna, ma semplicemente par "far cassa") adesse Venezia a podarà essar bombardada de distributori automatici de lattine o de snec. El che va in contrasto coe varie proibizioni tipo "guai magnar un panin a Venezia". Quindi ... comprar un bounty da un distributor automatico se pol, ma magnarseo no. Aea faccia dea coerenza.
Certo che mettar distributori de caca-cola a venezia no l'è el massimo par l'immagine de na città-museo come Venezia. Chissà se ai americani che ndaria ben, che ne so, impinir el so parco de ielloston co cabiot de "pizza da asporto bella Napoli da Salvatore. El concetto l'è el stesso.
Chiaro che un american che va venezia nol se scandaizza vedar sti distributori de caca-cola, visto che l'è abituà.
Ma chi se ne ciava, tant basta che i porte schei, no ?
Bisognaria cacciar cacciari.
A fonte de notizia podè catarla, par esempio , QUA

Notizia bona fresca fresca....
Pararia che qualche persona sana de principi ancora a ghe sia.
Come che se pol ledar QUA , l'amministrazion veneziana la ha momentaneamente stoppà el progetto dei distributori.
Chiaramente el sindaco, che l'adora a so città cusita come un gatt l'adora na muricia, el dise che a storia no finisse qua. Lu a mandoea la vol !

Ston vedar cossa che nasse.
Voria tant essar otimista ...