Ecco qua un bel programmin, rigorosamente open surs, par inviar sms dal pc.Sicuramente via web esiste na marea de possibiità de farlo, anca senza spendar un centesimo. E sicuramente par uindos, usà da 9 persone su 10 al mondo, programmi cusita ghin sarà a desine.
Ma essendo mi utente linux 100% (o quasi, tranne che par alcune funzioni particoeari) e ora catar software no l'è sempre cusita immediato.
E checchè se ghin parle, mentre linux lato server l'è un canon, inveze i tempi par na diffusion massiva sul desktop l'è ancora prematura. Dopo podon perdarghe ore intiere a discutar sue cause, ma a verità l'è che far el porting par esempio dei client uindos de na azienda a linux l'è spesso poc fattibie.
Ma no ston ndar fora dal seminato...
Dunque ... sms da linux.
Ecco qua : MoioSMS 100% italico, multipiattaforma, l'ha i repository anca par ubuntu.
Quindi l'instaeazion l'è fazie fazie (bisogna essar picai in internet ovvio):
- Verdar el terminale da Applicazioni/Accessori/Terminale
- sudo nano -w /etc/apt/sources.list e dontarghe aea fine sta riga qua: deb http://www.moioli.net/files/repository ubuntu stable
- sudo apt-get update par aggiornar a lista dei pacchetti
- sudo apt-get install moiosms*
E na deskbar par gnome. Che no use.
Se no ghe fosse l'icona, basta dontarghene una al pannello (come applicazion personaizzata) tipo questa:
Cossa faeo de particoeare sto programma?
Nol fa altro che permettar de inviar sms tramite i siti che i o consente (spesso previa apposita registrazion) evitando de ndar via browser: basta usar sto programma. Na scheggia.
A roba a me parere pì tosta l'è che automaticamente l'è in grado de decifrar el "captcha", cioè el testo/cifre che bisogna digitar par mandar l'sms quando che se o invia via web.
Mi use vodafone, anzi lo usa me femena, visto che mi no ho e no vui cellulari. El moiosms el va benon. Bisognaria vedar co chealtri operatori supportai, ma no ho motivi par dubitar che nol funzie.
Funzion importante, che no manca : gestion dea rubrica.
Quindi onore al merito a sto Silvio Moioli, che l'ha mess a disposizion dea comunità sto bel programmin. Essenziale e funzionale.
Consiglie a tutti de provarlo. Mejo su linux.
Aggiornamento : Su Ubuntu 9.04 jaunty, eseguendo el programma no succede gnent. L'è un bug, che se risolve cusita:
sudo sed -i.old "s/python2.4/python/g" /usr/share/moiosms/sms.py
Molto interessante, grassie.
RispondiElimina