Internet Libera? Magari ...

In un regime coa R maiuscola, i mezzi de informazion e de propaganda
i deve essar tuti tegnesti soto controeo. Attualmente se pol quindi dir de essar sotto el regime mediatico del vostro premier

1. TRE canai teevisivi (merdaset)
2. TRE reti nazionai, a RAI, che generalmente sottostà al governo. Chi ghe n'è al governo adesse ?
3. Giornai (e giornalai) servetti de partito. Ma sopratutto servetti del stato, visto che i giornai i pol sopravvivar grazie al contributo del stato, sinò i deve sarar baracca e burattini : sempre manco gente lede i giornai, e sempre manco pubblicità ghe finisse dentro. Quindi par no risciar de vedarse zoncà el cordon ombeicae che ghe passa i alimenti, i deve star attenti a quel che i scrive ...

Ma qualcuni (mi, par esempio) dirà : ma tanto ghe n'è internet ! A vera informazion adesse se a cata in internet ! macchè regime ! w a democrazia !
Bae ...

1. L'è risaputo che a tivision a continua a imbaucar el 90% dea gente. Sfide chiunque a far na ciacoeada su grande fratello, partie de baeon o talk-show vari. Pochi no i è informai in materia.
2. Chi che usa internet spesso i se "informa" sui siti dei giornai che quindi riporta e stesse robe che riporta i giornai : repubblica, corriere, a stampa, etc.
3. Altrettanto spesso chi usa internet i fa riferimento a portali tipo libero, alice, virgilio che no i rappresenta certo el massimo dal punto de vista dea informazion seria
4. I utenti uindos i o sa ben, usando internet explorer : el te imposta de default come om-peig (dovaria essar home page in inglese) el so portale de msn.com. Ciamonla "pupù" , ciamonla "buazza". A sostanza l'è quea.

A rimanenza de gente che quindi usa siti e blog informativi degni de sto nome l'è parecchio ridotta.
Da sto punto de vista, iutube l'è un "tg" democratico, visto che vien pubblicai video da chiunque. Anca mi posse essar definio giornaista, par esempio nel momento in cui riporte un video de un qualsiasi fatto, indipendentemente dal tipo.
E , anaeogamente, chiunque tramite i commenti pol controbattar o confermar quanto visto. Diversamente daea tv, che a te impone a vedar quel che a vol ea, un ping-pong che se ferma al ping.
Purtroppo, e qua finisse, par che inveze anca iutube (che l'è na rama de gugol) a censure video su argomenti poco graditi. Aea faccia dea "libertà de internet".
Mi no serve che donte altro.
Vardeve sto video.





E magari anca questo



Dove che vien messo in evidenza come che a RAI l'apie voest censurar sto video qua