Spara 1, copaghene 2

Beh insomma questa no l'aveve mai sentia...
Ere abituà a frasi tipo "2 piccioni con una fava" , o "compri 2 e paghi 1"
ma mai me sarià sognà de ledar su na majetta na frase "spara un colpo, e copaghene 2".
Sta foto a val pì de mie paroe:


In pratica, va de moda tra i miitari dell'esercito israliano ndar in giro co sta "majetta dea saeute" che se vede in foto.
Quea verde a ritrae na femena incinta co scritt "spara 1 colpo e te ghin copa 2".... Terribie
Su quea bianca, che ritrae un ceo col fusil, l'è scrit "pì che l'è ceo, pì difizie l'è ciaparlo". Na specie de tiro al piattello umano. Pì' el bersaglio l'è ceo, pì punti te fa. Da no credar.

Mi posse anca capir che in guerra e persone e pol comportarse in modo a volte disumano, del resto a guerra e copar gente l'è disumano. E no te sa mai come che te pol reagir sotto certe pression. No vui difendar nessuni, semplicemente darghe na spiegazion. Questo che ho dita l'ha senso su na guerra dove che te ha paura del nemigo.
Ma parlonse ciaro, l'esercito de israele contro el paestinese l'è un elefante contro na mosca.
israele l'è armà dai americani. I paestinesi pì de qualche raudo fatt in casa cossa vutu che i posse far.
E miitari i ha in testa no tant el voer difendar el proprio paese (quel che dovaria far i eserviti) bensì el maciullar, umiliar e sterminar gente mossi solche da odio de bandiera (o de reigion).
Qua se se scandaizzaria a vedar na majetta nera co stampà el profilo del duce. Ve immagineu vedar majette come quee in foto ?
Quel che move sta guerra monodirezionale l'è sto sionismo, e gnanca tant l'ebraismo. Quindi, pì na question de orgoglio nazionale che de reigion, secondo mi.
Ogni commento l'è superfluo. Certe robe e preoccupa e fa capir che sto mondo qua l'è maeà. Da massa temp. Da secoi. E speranze che qualcossa cambie in mejo a breve termine, a vede dura purtroppo.

A fonte de sta notizia, se masteghè na 'scianta l'inglese, mi l'ho catada QUA