Ladri de biciclette? No, de schei

Uncuò se voea ndar farse na girada visto anca che, scie chimiche a parte, a podea inaugurar a primavera.
Destinazion mar. Jesol. Paese che ho scumizià a odiar da quando che anni fa i a tacà a costruir come matti, centri commerciali a nastro, stropar ogni bùs co alberghi o edifici commerciai/residenziai. E ghe n'è ancora desine de cantieri verti e gru dapartut.
E un traffico dea madonna, che onestamente se pensava de no catar. Sia ndar sia tornar. Va bon, de Jesol ghin riparlaron ...
Uncuò voee parlar de na paninoteca de Jesol, che probabilmente rappresenta na regoea e na eccezion, che i ha in tutti i modi dimostra de quant che i commercianti/ristoratori et similia i sa peàr turisti e "clienti".
Riepilogo:

• Panin che do bocon te o magna
• Panin che in praticà gl'iera un tost tajà in 4 toc
• Birretta cea da 0.20
• Spremuta de naranza

Conto 16 Euro.

Ma ghe n'è anca dee aggravanti:

• No i vea el listin (quindi no se savea i prezzi)
• No ghe n'era esposti i prezzi vizin i panin (se dopo i vea un listin imbusà e scont sul mur no so e gnanca me interessa)
• No i me ha fat el scontrin (e qua mea culpa che gnanca ghe l'ho domandà).

Quindi se capitè dae parti de Piazza Brescia (anca se a jesolo ormai i è drio stropar anca e piazze, che e se riduce a poc pì che dee strade) e avè voja de un sfizio, evitè stop posto qua: