Piantar alberi da frutto

Ghe n'è sempre na prima volta in tea vita, no?
Uncuò, quasi in autonomia, me son deciso de ndar cior tre alberet
da frutto, da strapiantar sul camp de me pare.
Un armeiner (albicocco nell'italica lengua), un persegher col pel de pasta bianca, e uno da prugne gialle.
Aperta parentesi: recentemente ho savest che l'albicocca, cioè armein, l'è un frutto che riva da ... dall' Armenia, varda caso, da cui el nome . Chiusa parentesi.
Ovviamente l'albero gl'iera già incalmà. Sinò no savaria gnanca come scumiziar par far un incalmo. E penso che al dì de uncuò ben pochi i sa farlo.

Ho imparà che:

• Bisogna sbampoear : cioè tajar e ramette vizine aea base dell'albero. Esattamente come che se fa coi pumidori, par esempio.
  
• Scurtar e radiz, assandoe longhe 15 schei.
  
• Tajar a ponta dell'albero, in modo che in tut l'albero nol supere i 2 metri.
• Quando che se strapianta l'albero, far in modo de no sotterrar l'incalmo.
• Na volta strapiantà, possibilmente dontarghe sabbia.
• Far in modo de vangar ben nel raggio de medo metro: e radiz, cresendo, e catarà spazio par ... far radiz.
• "Accompagnar l'albero" con na scaeonea, par evitar chel cresse stort.
• Sperar, co l'ausilio de qualche bestema, che el frutte qualcossa.

No avendo terra arada pronta, ho piantà (coa supervisione de me pare...) i alberi intramedo dee piante de ùa. No saria proprio so mare : l'è un poc come aver un vizin de casa che sta a 2 metri da casa mea ...

In tel giro de un anno o dò, se tut va ben dovaria magnar qualche persego...
sinò vol dir che ho sbaglià qualcossa.
Sbagliando se impara (ma no se magna!!)