F24 ? Macchè ... F-35 !

Fortuna che questi i è tempi che dovon tuti strendar i dent e tirar a cinghia.
A paroea d'ordine l'è "cautela" un poc dapartut.
Ma, se sa, ghe n'è chi che no l'ha de sti problemi.
Del resto, l'è fazie pagar coi schei de chealtri ?
Nel caso specifico, "chealtri" i è i vari contribuenti (cioè e plebe)
e ovviamente chi che se pol permettar de spendar e de spandar i è i soiti noti.
A notizia no l'ha bisogno de commenti.
El governo el vol farse approvar da camera e senato l'approvazion par comprar
131 (zioken... no uno solche) 131 caccia-bombardieri da attacco F-35.
Totale dea spesa 13 miliardi de euro. Come ?? Sì , qualcossa come 26.000.000.000.000 de Lire.
Qualche settimana ae Maldive a saltaria anca fora co sti schei.
E sti mostri voeanti par cossa servarissii ? Par e mission all'estero, ovvio !!
Del resto, come coeonia dell'impero usa, dovon mantegnar i patti e darghe na man ai "alleati"
che prima o dopo i farà altre guerre. Dove ? Ma in Iran, ovvio. E pì vanti aea Cina. Spere de sbagliarme ma purtroppo ho na strana sensazion. No a caso ultimamente i è ancora drio tirar fora qualche storiea su al-qaeda. Speton e vedaron.
Sinò par cossa eo che i comprar 131 cacciabombardieri ? Intanto a finmeccanica, che a ciapa l'appalto par conto dea lockweed martin, a farà siori diversi "signori". Saria interessante saver chi che i è. Indagarò.
E dopo, savon benissimo che par vegnar fora da na crisi na guerra a aiuta sempre. Ledar i libri de storia recente par verificar che purtroppo l'è cusita.
Quindi, no vora portar sfiga, ma me sà che a breve qualche guerra a saltarà fora. Sinò come farai mai i usa a tornar i paroni indiscussi del mondo ?

Par saverghene de pì, ecco na fonte dea notissia. QUA